Республиканың йәмғиәт киңлектәре йөҙө үҙгәрә, ә ҡалаларҙа һәм ауылдарҙа халыҡ рәхәтләнеп ял итергә һәм ваҡытты уҙғарырға килгән тартылыу нөктәләре күбәйә. Әйтәйек, Кушнаренко районының Кушнаренко ауылында Октябрь урамы буйлап скверҙы төҙөкләндереү буйынса эштәр дауам итә. Эш урамынан алып Большевистик урамына тиклем участканы реконструкциялау “Торлаҡ һәм ҡала мөхите” милли проектының “Уңайлы ҡала мөхитен булдырыу” федераль программаһы сиктәрендә башҡарыласаҡ. Яңы төҙөкләндереү объектын халыҡ 2022 йылда электрон тауыш биреү юлы менән үҙе һайланы. Төҙөкләндереү проекты инфраструктураны тулыһынса яңыртыуҙы, велосипед һуҡмағы менән киң тротуар эшләүҙе, эскәмйәләр менән ял итеү, тышҡы яҡтыртыу урындарын ҡуйыуҙы, топиарийҙар булдырыуҙы күҙ уңында тота. – Яңы сквер яҡын арала Кушнаренко районы халҡы һәм ҡунаҡтарының яратҡан ял урынына әйләнер, ауылыбыҙҙы тағы ла күркәмерәк итер, тип ышанам, - тип билдәләй проект координаторы Рәмил Булатов. Ил Президенты Владимир Путиндың май указдары менән булдырылған “Торлаҡ һәм ҡала мөхите” милли проектының “Уңайлы ҡала мөхитен булдырыу” федераль программаһы буйынса Башҡортостанда 2023 йылда бөтә муниципаль берәмектәрҙә 123 йәмәғәт биләмәһе төҙөкләндереләсәк, шулай уҡ 2021 йылда бәләкәй ҡалаларҙа һәм тарихи ауылдарҙа уңайлы ҡала мөхите булдырыуҙың иң яҡшы проекттары бөтә Рәсәй конкурсында еңеп сыҡҡан проекттар буйынса эштәр тамамланасаҡ. Улар иҫәбендә – Стәрлетамаҡта, Туймазыла, Күмертауҙа, Межгорьела, Бәләбәйҙә һәм Бөрөләге майҙансыҡтар. Шулай уҡ 2022 йылда Ағиҙелдә, Дүртөйлөлә, Ишембайҙа, Мәләүездә һәм Яңауылда конкурста еңеүсе биш проектты ғәмәлгә ашырырға ниәтләйҙәр. #ВладимирПутин #национальныепроекты#нацпроекты #региональныепроекты#регпроекты#нацпроектыБашкортостан Фото: Кушнаренко районы хакимиәте.