Башҡортостан Республикаһының Экспортҡа ярҙам итеү үҙәге “Экспорт проектының тормош циклы” программаһы сиктәрендә республика эшҡыуарҙарын 3 июлдә “Башҡортостан” ҡунаҡханаһының “Янғантау” конференциялар залында (Ленин урамы, 25/29) 10:00 сәғәттән 18:00 сәғәткә тиклем үтәсәк “Экспорт эшмәкәрлегендә һалымдар” семинарына саҡыра. – Был серияның йомғаҡлау семинарынан ҡатнашыусылар тышҡы сауҙа килешеүенең һөҙөмтәлелеген арттырыуҙың яңы ысулдары, бизнес-моделде иҫәпкә алып, һалым һалыу системаһын һәм һалым режимын һайлау, экспорт проектының ниндәй этаптары иң ҙур һалым хәүефенә дусар булыуы, экспортерға НДС-тың ташламалы ставкаһын алыу өсөн ниндәй документтар әҙерләргә һәм һалым тикшереүен үтергә, һалым органдары менән нисек эш итергә кәрәклеге хаҡында беләсәк, – тип аңлатты Башҡортостандың тышҡы иҡтисади бәйләнештәр һәм конгресс эшмәкәрлеге министры Маргарита Болычева. Семинарҙа бушлай ҡатнашыу өсөн алдан теркәлеү мотлаҡ: vk.cc/coUmrk. Семинар программаһында ҡараласаҡ: һайланған һалым системаһының экспорт контракты иҡтисадына йоғонтоһон анализлау; НДС-ты кире ҡайтарыуҙың дүрт ысулы: маҡсатлы, ҡатмарлы, теләмәгән һәм тиҙләтелгән; һалым хоҡуҡ боҙоуҙар исемлеге. Бынан тыш, сара сиктәрендә ҡатнашыусылар һалым органдарының үҙ көсөнә ингән һәм үҙ көсөнә инмәгән акттарына ялыу биреү ваҡытын тикшерәсәк. Семинар йомғаҡтары буйынса һәр ҡатнашыусы Рәсәй экспорт үҙәгенең Экспорт мәктәбендә белем алыу тураһында сертификат аласаҡ. Семинарҙың тренеры булып Елена Герчикова сығыш яһай. Теркәүҙә ауырлыҡтар килеп тыуһа, ярҙам һорап Үҙәк белгестәренә мөрәжәғәт итергә мөмкин: +7 (962) 544 13 60, exportcenter@bashkortostan.ru. Был сара Рәсәй Президенты Владимир Путиндың май указдарына ярашлы ҡабул ителгән “Халыҡ-ара кооперация һәм экспорт” милли проектын (национальный проект “Международная кооперация и экспорт”) тормошҡа ашырыуға булышлыҡ итә. Мероприятие является частью программы реализации в регионе национального проекта «Международная кооперация и экспорт», инициированного майскими указами Президента России Владимира Путина. Фото һәм мәғлүмәт сығанағы: oreign.bashkortostan.ru