Весела і пазнавальна правядзем тыдзень з 3 па 7 ліпеня 2023 года ў дзіцячым клубе “Вера і Анфіса”, дакранемся да свету беларускай літаратуры, даведаемся хто такі пісьменнік і як ствараюцца кнігі.
Пачаўся запіс. Не спазніцеся. Плануецца, што змена будзе такой!
03.07, панядзелак
Квэст-пікнік у Парку Пісьменнікаў (каля Нацыянальнай бібліятэкі). Пазмаёмімся, сплануем тыдзень.
Пасля абеду ў гэты дзень і ў наступныя — майстар-класы. Першы — тэарытычны. Паглядзім відэаўрок і пагаворым пра тое, хто такі пісьменнік, што такое літаратура, якія ёсць роды літаратуры, дзе выкарыстоўваецца праца пісьменніка (тэатр, кіно). Будзем збіраць літаратурныя пазлы і маляваць пісьменнікаў (аловак, фламастары).
Другі майстар-клас ад харэографа Аліны Кудрыс. Каб упэўнена выступаць перад чытачамі, трэба не толькі добра пісаць і правільна гаварыць, але быць у добрай фізічнай форме, смела трымацца на публіцы — правільна выходзіць, стаяць, дыхаць, не хвалявацца…
04.07, аўторак
Паглядзім карамельны дэтыктыў “Однажды в Сладкограде” ў Тэатры Юнага Гледача.
Сустрэнемся з дзіцячай пісьменніцай Галінай Пшонік. Правядзем аўтограф-сесію.
Зладзім майстар-клас “Пяро пісьменніка”.
05.07, серада
Экскурсія ў Нацыянальную бібліятэку Беларусі. Даведаемся як захоўваюцца кнігі, якія ёсць кнігі, хто такі бібліятэкар. Падымемся на дах бібліятэкі і паглядзім на горад.
У клубе пачнем майстраваць уласную кнігу. Кожны наступны дзень будзем дабаўляць у яе новую інфармацыю.
Паглядзім мультфільм “Піліпка”, зробім літаратурны аналіз і злепім з пласцеліну любімы вобраз, героя.
06.07, чацвер
Экскурсія ў музей Максіма Багдановіча. Пазнаёмімся з экспазіцыяй і паўдзельнічаем у забаўляльнай праграме, якую будзе ладзіць музей.
Сустрэнемся з паэткай Аксанай Спрынчан, рэдактарам выдавецтва “Мастацкая літаратура”. Аўтограф-сесія.
Будзем маляваць вокладку для сваёй кнігі. Прыдумаем назву кнігі, сюжэт.
07.07, пятніца
Экскурсія ў тыпаграфію “Данарыт”. Пазнаёмімся з тыпаграфскімі прафесіямі, паўдзельнічаем у тэхналагічным працэсе, наведаем розныя цэхі (друкарскі, пераплётны…)
Калі вернемся ў клуб, то закончым вёрстку ўласнай кнігі. Запішам відэа “Пра што кніга” (прыдумаем гісторыю). Пазней відэа будзе заліта на ЮТУБ.
Пасля развітальнага “салодкага стала” Вольга Канарская правядзе майстар-клас па пескаграфіі.
Збіраецца група да 12 чалавек.
Кошт за 1 дзень — 75 рублёў. За тыдзень — 330 рублёў. У гэтую суму ўваходзіць і харчаванне, і экскурсіі.
Запісацца можна па тэлефоне: +375 447442711 альбо на старонцы ў Інстаграм.
Мінулы лагер быў тэатральным.
26.06.2023
Зміцер АРЦЮХ
кіраўнік змены