Бер тәүлек эчендә Башкортстан халкы мошенникларга 9 млн сумга якын акча күчергән. Мәсәлән, аферистларның инвестицияләр белән акча эшләү тәкъдиме республикада яшәүче ике кешене 5 млн сумга якын югалтуга китерә. Мошенниклар үз корбаннары белән ярты елга якын элемтәдә булган. Бу вакыт эчендә алар инвестицияләрнең өстенлекләре турында сөйләгән, клиентларның акчалары артуын күрсәткән һәм аларны исәптән акча алмаска төрле ысуллар белән ышандырган. Аферистлар, гадәттә, үз корбаннарын ышандыру өчен популяр инвестиция китапларыннан цитаталар һәм фразалар куллана. Аңлашылмаган сүзләр һәм таныш булмаган фразалар бернәрсә дә белмәгән кешеләрне үзләренең әңгәмәдәшләренең ышанычлылыгына инандыра. "Ярты ел эчендә ике кеше төрле банклардан 5 млн сумга якын кредит рәсмиләштергән һәм акчаны аферистларга биргән. Алар исәптән акчаны алырга карар кылгач, мошенниклар барлык элемтәләрне өзгән», — диделәр республика буенча Эчке эшләр министрлыгының матбугат хезмәтендә. Җинаятьчеләр үз махинацияләрендә нигездә кешеләрнең ике теләген куллана: акча эшләү һәм аларны югалтмау. Икенче очракта мошенниклар кешеләргә шалтырата һәм аларның акчалары куркыныч астында, аларга кредит рәсмиләштерергә телиләр, яки банкларның намуссыз хезмәткәрләре моны инде эшләгән дип хәбәр итә. Бурыч чоңгылына эләгеп, акчаларын югалтудан куркып, зыян күрүчеләр теләсә нинди уйдырмага ышанырга әзер. Мошенникларга шул гына кирәк тә. Алар яклау тәкъдим итә, мессенджерларга ялган документлар җибәрә һәм кешеләрне кредит лимитын бетерү өчен үзләренә кредит алырга күндерә. Туймазы районында яшәүче 42 яшьлек хатын-кыз аферистларның сүзләренә ышана һәм 2 млн сумнан артык өч кредит ала. Барлык акчаны ул телефон аша күрсәтелгән счетларга банкоматлар аша җибәрә. Әгәр дә банкның сак хезмәткәре аны туктатмаса, хатын мошенникларга үз теләге белән акча бирүне дәвам итәр иде. Ул тагын бер кредит алырга килгәч, клиентның мошенниклар күрсәтмәсе буенча эш итүен аңлаган. Шуннан соң гына хатын полициягә мөрәҗәгать итә һәм мошенниклар белән аралашуны туктата. Фото: mk.ru