Безнең илдә медицина хезмәткәрләре көне - үзенчәлекле бәйрәм, диде Радий Хәбиров, "Башкортостан" ДТРКсында медикларның һөнәри бәйрәме уңаеннан тантаналы чарада. Республика Башлыгы билгеләп үткәнчә, залда табиблар, фельдшерлар һәм шәфкать туташлары, акушерлар һәм санитаркалар, провизорлар һәм фармацевтлар җыелган. Ул республиканың барлык халкы исеменнән аларга хезмәтләре, игелекле йөрәкләре, ярдәмгә килергә әзерлеге өчен чын күңелдән рәхмәт әйтте. Радий Хәбиров билгеләп үткәнчә, без барыбыз бергәләп коронавирус пандемиясе чорында катлаулы чакыруларны җиңдек, аңа каршы көрәшкә барлык ресурсларны мобилизацияләдек. Алгы сызыкта республика медиклары булды, алар, үзләрен куркыныч астына куеп, коронавирус белән фидакарь көрәште. - Тормыш шундый ки, ул безгә һәрвакыт яңадан-яңа кыенлыклар тудыра. Махсус хәрби операция башланганнан бирле безнең медиклар чакыруга җавап бирде һәм ирекле рәвештә Русия сугышчыларына һәм азат ителгән территорияләрдә яшәүчеләргә медицина ярдәме күрсәтергә китте. Табибларыбыз чын могҗиза тудыра, мин сезнең эшегезне үзем күрдем, - диде Радий Хәбиров. Исегезгә төшерәбез, республикада аерым медицина ротасы оештырылды. 1 июньдә ул хәрби көйләү урыннарына китте. Аның составында табиблар, фельдшерлар, шәфкать туташлары, шоферлар бар. Алар барысы да тактик медицина буенча белем алган һәм үз зонасында барлык кирәкле ярдәмне күрсәтергә әзер. Радий Хәбиров шулай ук Русия һәм Башкортстан дәүләт бүләкләрен тапшырды. Фото: glavarb.ru