Яңа җиһазлар белән тәэмин итү «Сәламәтлек саклау» гомумдәүләт проектының беренчел звеносын модернизацияләү буенча төбәк программасын гамәлгә ашыру нәтиҗәсендә мөмкин булган. Гастроскопия һәм колоноскопия — медицина тикшеренүләренең заманча ысуллары, алар табибка пациентның ашкайнату системасы органнарын реаль вакыт режимында күрергә мөмкинлек бирә. “Яңа җиһазлар ашказаны-эчәк трактының күп төрле патологияләрен — җәрәхәтләр, гастритлар, полиплар, онкология авыруларын диагностикалауга ярдәм итәчәк һәм табибларга төгәлрәк нәтиҗәләр алырга, шулай ук пациентка вакытында дәвалау билгеләргә мөмкинлек бирәчәк", — дип аңлатты Чишмә үзәк район дәваханәсе эндоскописты Гөлназ Шуварова.