Федераль этапта катнашу өчен республиканың 800дән артык эш бирүчесе заявка тапшырды, алар 8 меңнән артык вакансия турында белдерде.Ярминкәгә килүчеләргә буш эш урыннарын кече һәм урта бизнес предприятиеләре дә, «Газпром», «Башнефть», Благовещен арматура заводы, "Башкирэнерго" һәм башкалар кебек эре дәүләт корпорацияләре дә тәкъдим итә.Башкортстан башкаласында һөнәрләр фестивале «Уфа – Арена» мәйданчыгында уза. Анда Башкортстан Башлыгы Радий Хәбиров та булды. Республика Башлыгы берничә колледж җитәкчесе, шулай ук яшьләр, сәнәгать предприятиеләре һәм компанияләр вәкилләре белән аралашты. Радий Хәбиров эш бирүчеләрнең нинди шартлар, аларның булачак хезмәткәрләренә нинди хезмәт хакы тәкъдим итүе белән кызыксынды. Колледж директорлары билгеләп үткәнчә, республика һәм федераль үзәк ярдәме белән уку йортларының матди–техник базасы шактый яңартылган, студентлар производство практикасын үтүче сәнәгать предприятиеләре белән тыгыз элемтә урнаштырылган. Мондый планлы эш нәтиҗәсе - нәкъ менә эшче һөнәрләрне сайлаган абитуриентларның шактый артуы."Сезне Бөтенрусия эшкә урнашу ярминкәсендә сәламлим. Монда яшьләр җыелган. Без бүген бирегә бик күп егетләр килер дип көтәбез. Чөнки укуын тәмамлаган яшьләребез үз тормышындагы иң мөһим сайлауларның берсен үтәргә тиеш. Алар гомумән ике: тормыш иптәшегезне табу, икенчесе - яхшы эш табу. Менә яхшы эш табу өчен без шундый чара эшлибез. Башкортстан яхшы яшәү, эшләү урыны була. Республика сәнәгатьне, авыл хуҗалыгын үстерүдә, санлы трансформациядә, инвестицияләр җәлеп итүдә лидер булып тора.Эш урыннары турында сөйләсәк, бездә хәзер тарихи рекордлы түбән эшсезлек дәрәҗәсе күзәтелә. Ул юк диярлек. Шуңа күрә без яшьләргә мөрәҗәгать итәбез. Без сезгә: "Башкортстанда яшәгез һәм эшләгез", - дибез. Әгәр дә сез башка югары уку йортларына, башка төбәкләргә яки дәүләтләргә укырга китсәгез дә, иң мөһиме – кире кайтыгыз. Сез монда безнең Башкортостанның ничек үсеш алуын һәм үзегез өчен карар кабул итәчәгегезне аңларсыз, дип өметләнәм.Мин биредә тәкъдим ителгән предприятиеләрне, оешмаларны, бүген бирегә чыккан компанияләрне сәламлим. Бу сезгә дә файдалы булыр дип ышанам. Глобаль рәвештә әйткәндә, безнең ил, безнең республика хезмәт ресурслары өчен көрәш чорына керә. Бу хәзер иң авыр эш. Предприятиеләр үсә, эш урыннары барлыкка килә, яхшы хезмәт хакы бар, әмма хезмәт ресурслары җитми. Нәкъ менә бу безнең төп көрәшебез һәм көндәшлегебез булачак – хезмәт ресурслары өчен көрәш. Барыгызга да уңышлар", - диде Радий Хәбиров, ярминкәдә катнашучыларга мөрәҗәгать итеп.Радий Хәбиров шулай ук җәйге вакытта студентлар төзелеш отрядларында эшләүче балалар белән дә аралашты. Алар әйтүенчә, бу акча эшләү генә түгел, ә теге яки бу һөнәрләрне практикада үзләштерү өчен дә искиткеч мөмкинлек.Фото: башинформ