Гомумән алганда, Русия буенча 14 миллионнан артык кеше тавыш бирде.- Быел онлайн тавыш бирүдә 87 төбәктән 14 миллионнан артык кеше катнашты, бу план күрсәткеченнән ике миллионга диярлек артып китте. Бу яңа рекорд, ике ел элек тавыш бирүдә 9,7 миллион кеше катнашкан, 2022 елда - 10,7 миллион. Халык активлык күрсәткән төбәкләрне билгеләп үтәм. Болар - Чечен, Башкортстан һәм Тыва республикалары, Томск, Свердловск, Чиләбе, Саратов, Самара өлкәләре, Алтай, Ставрополь крайлары һәм Ямал-Ненец автономияле округы, –диде Русия Хөкүмәте вице-премьеры Марат Хөснуллин.Исегезгә төшерәбез, тавыш бирү 15 апрельдә башланды һәм 31 майга кадәр дәвам итте.Гомумән, Русия буенча фикер алышу өчен тәкъдим ителгән җәмәгать территорияләренең гомум саны 5 меңнән артык, шул исәптән 4,7 мең җәмәгать киңлеге, болар - скверлар, яр буйлары, урамнар һәм парклар, ишегалды территорияләре, һәм территорияләрнең 350 дизайн - проекты.Гомумрусия платформасында Башкортстаннан 185 объект тәкъдим ителгән. Кайбер шәһәрләрдә һәм районнарда элек сайланган территорияләрне төзекләндерү дизайн-проектларын сайлаганнар, башкаларында 2024 елда төзекләндерелергә тиешле территорияләрне сайлау өчен тавыш биргәннәр.- Башкортстанның федераль дәрәҗәдә тавыш бирүдә катнашучылар саны буенча лидерларның берсе буларак билгеләнүе шатлыклы. Волонтерларыбызның эше дә актив дип аталды. Читтә калмаган һәркемгә рәхмәт белдерәсем килә, киләсе елда республикада гомум катнашу нәтиҗәсендә без тагын 122 иҗтимагый территорияне төзекләндерә алачакбыз, – дип ассызыклады торак-коммуналь хуҗалык министры вазйфаларын башкаручы Ирина Голованова.Шунысын да билгеләп үтәргә кирәк, 2019 елдан башлап, «Торак һәм шәһәр мохите» гомумәүләт проектының «Уңайлы шәһәр мохитен формалаштыру» Федераль программасы кысаларында, Башкортстанда 560 җәмәгать киңлеге төзекләндерелде. Агымдагы елда 63 муниципаль берәмлектә 122 объектта эшләр алып барыла.Фото: "минЖКХ РБ"