Псалом 1
1 Блаже́н муж, и́же не и́де на сове́т нечести́вых и на пути́ гре́шных не ста, и на седа́лищи губи́телей не се́де, 2 но в зако́не Госпо́дни во́ля eго́, и в зако́не Его́ поучи́тся день и нощь. 3 И бу́дет я́ко дре́во насажде́нное при исхо́дищих вод, е́же плод свой даст во вре́мя свое́, и лист eго́ не отпаде́т, и вся, ели́ка а́ще твори́т, успе́ет. 4 Не та́ко нечести́вии, не та́ко, но я́ко прах, eго́же возмета́ет ветр от лица́ земли́. 5 Сего́ ра́ди не воскре́снут нечести́вии на суд, ниже́ гре́шницы в сове́т пра́ведных. 6 Я́ко весть Госпо́дь путь пра́ведных, и путь нечести́вых поги́бнет.
Песнь 1
Блаже́н муж,
и́же на сове́т нечести́вых не и́де
и на пути́ гре́шных не ста,
и на седа́лищи губи́телей не се́де,
но в зако́не Госпо́дни eго́ во́ля,
и день и нощь поучи́тся в Его́ зако́не.
И бу́дет я́ко дре́во
насажде́нное при исхо́дищих вод,
е́же лист eго́ не отпаде́т,
и даст во свое́ вре́мя свой плод,
и ели́ка а́ще твори́т, вся успе́ет.
Не та́ко нечести́вии, не та́ко,
но я́ко прах от земли́ лица́
eго́же ветр возмета́ет.
Сего́ ра́ди не воскре́снут
гре́шницы в пра́ведных сове́т
ниже́ нечести́вии на суд.
Я́ко путь пра́ведных Госпо́дь весть,
и поги́бнет нечести́вых путь.