Башкортстанның оборона-сәнәгать комплексы предприятиеләре нәтиҗәле эшли

Мондый мәгълүматлар Башкортстан Хөкүмәте Премьер-министры Андрей Назаров җитәкчелегендә узган Хөкүмәт утырышы кысаларында яңгырады.Утырышта, аерым алганда, оборона-сәнәгать комплексы предприятиеләре хезмәткәрләрен укытуны оештыруга субсидияләр бирү турында сүз барды. 2023 елның 14 июнендә кабул ителгән Русия Федерациясе Хөкүмәте боерыгына ярашлы, күрсәтелгән программага Башкортостанга 155,3 млн сум бирелә. Җәлеп ителгән акчалар күләме буенча республика Русиянең барлык төбәкләре арасында 1нче урында тора (2022 елдагы кебек).- Узган ел республикада хезмәт базарындагы киеренкелекне киметү программасы кысаларында эштән азат ителү куркынычы астында булган предприятиеләр хезмәткәрләрен укыту буенча чаралар уңышлы гамәлгә ашырылды. Бу программа ярдәмендә 34 предприятиедән 3,6 меңнән артык хезмәткәр квалификацияләрен күтәрде һәм яңа компетенцияләргә ия булды, бу аларга үз эш урыннарын саклап калырга мөмкинлек бирде. Бу максатларга федераль һәм төбәк бюджетларыннан 191 млн сум бүлеп бирелгән, – дип билгеләп үтте Башкортстан Хөкүмәте Премьер-министры Андрей Назаров.Хезмәт базарында киеренкелекне киметүгә юнәлдерелгән өстәмә чараларны гамәлгә ашыру агымдагы елда да дәвам итә. Бу юнәлештә нинди эш алып барылуы турында утырышта гаилә, хезмәт һәм халыкны социаль яклау министры Ленара Иванова хәбәр итте.Мәсьәләне тикшерү ахырында Башкортстан Хөкүмәте Премьер-министры Андрей Назаров Башкортстан Республикасы Гаилә, хезмәт һәм халыкны социаль яклау министрлыгына 2023 елда оборона-сәнәгать комплексы предприятиеләре хезмәткәрләрен укыту буенча чараларны вакытында һәм тулы күләмдә гамәлгә ашыруны тәэмин итәргә кушты.Фото: Башкортстан Хөкүмәте