Чара республиканың барлык шәһәрләрендә һәм районнарында оештырылачак. Ярминкә Уфада «Уфа-Арена» спорт комплексы мәйданчыгында узачак. Ярминкәнең федераль этабында республиканың меңгә якын эш бирүчесе 13 меңнән артык вакансия тәкъдим итәчәк.14 апрельдә узган төбәк этабы кебек үк, Башкортстанда Бөтенрусия эшкә урнаштыру ярминкәсенең федераль этабы "Проффест. Русия эше. Мөмкинлекләр вакыты" бренды астында узачак, - ди гаилә, хезмәт һәм халыкны социаль яклау министры Ленара Иванова. - Фестивальнең төбәк этабына республиканың 20,5 меңнән артык кешесе килде. Федераль этап тагын да күләмлерәк булырга вәгъдә итә: катнашу өчен гаризаларны меңгә якын эш бирүче биргән инде, бу төбәк этабында тәкъдим ителгәннән 4 тапкыр күбрәк (ул вакытта төбәкнең 260 предприятиесе һәм оешмасы дәгъвачыларга 7,4 мең вакансия тәкъдим иткән).Эшкә урнашырга теләүчеләрдән тыш, без, традиция буенча, ярминкәгә чыгарылыш сыйныф укучыларын, югары сыйныф укучыларын һәм аларның ата-аналарын көтәбез, чөнки биредә аерым белем бирү зонасы тәкъдим ителәчәк, анда республиканың әйдәп баручы югары уку йортлары һәм колледжлары үз мөмкинлекләрен күрсәтәчәк һәм булачак абитуриентларга кабул итү шартлары турында сөйләячәк, бу җәйге вакытта бик актуаль, - дип чакыра һөнәрләр фестиваленә Ленара Иванова.Уфада һөнәрләр фестивале 10 сәгатьтә башланачак һәм 8 зонага бүленәчәк.Бөтенроссия эшкә урнаштыру ярминкәсе кысаларында Башкортстан Республикасы шәһәрләрендә һәм районнарында шулай ук республиканың эре предприятиеләренә һөнәри юнәлеш бирү турлары оештырылачак.Башкортстан башкаласында узачак эшкә урнаштыру ярминкәсендә уфалылар гына катнашмаячак, ерак районнар һәм Русиянең башка төбәкләрендә яшәүчеләр өчен онлайн-әңгәмә оештырылачак.