Башкортстан журналистлары яугир-якташлар янында булды

Делегация составында “Ағыйҙел” журналының баш мөхәррире, язучы һәм драматург Мөнир Кунафин, “Кызыл таң” гәзитенең баш мөхәррир урынбасары Фәнис Гәрәев, “Башинформ” агентлыгы хәбәрчесе Эдуард Кускарбәков, журналист Сергей Дорофеев һәм “Юлдаш” радиосы журналисты, блогер Венер Фәйзуллин бар. Башкортстан журналистлары махсус хәрби операциядә катнашучыларга кирәкле әйберләр, шулай ук китаплар, гәзитләр һәм башка посылкалар китерде. Делегация Башкортстан Хөкүмәтенең беренче вице-премьеры Азат Бадранов белән очрашты һәм аңа квадрокоптерлар тапшырды.Азат Бадранов журналистларга посылкалар өчен рәхмәт сүзләрен җиткерде һәм аларның Башкортстан яугирләренә тапшырылачагын белдерде.Вәдүт Исхаков Азат Бадрановка командировка максатлары турында сөйләде. Ул ассызыклавынча, Башкортстан журналистлары гуманитар миссияләрне формалаштыруда даими катнаша һәм сугышчыларның тизрәк җиңүгә ирешүләрен тели. – Бу Башкортстан журналистларының Донбасска беренче, әмма соңгы сәфәре түгелдер, дип ышанам. Бирегә Башкортстаннан махсус хәрби операция бурычларын үтәүчеләрнең хәрби хезмәтен, көнкүрешен яктыртырга тагын килергә ниятлибез. Бу сәфәргә алдан әзерләндек, якташларыбыз янына буш кул белән килмәдек. Журналистлар, басма һәм электрон мәгълүмат чаралары, телевидение һәм радиотапшырулар редакцияләре өч квадрокоптер һәм аларга смартфоннар сатып алды. Башкортстан журналистлары һәрвакыт гуманитар конвойлар булдыруда катнаша. Алар яугирләргә азык-төлек, бал, медикаментлар озата. Без яугирләребезгә сәламәтлек һәм тизрәк йортларына исән-сау әйләнеп кайтуларын, һәм, әлбәттә, Җиңү белән кайтуларын телибез, – диде Вәдүт Исхаков. – Хәзерге сугыш хәрәкәтләре технологик төрдә алып барыла. Квадрокоптер – сугыш машинасы, шулай ук Кораллы көчләрнең күзләре һәм колаклары. Башкортстан журналистлары китергән җиһазларны без квадрокоптерларга мохтаҗ булган бүлекчәләргә тапшырачакбыз, – дип билгеләп үтте Азат Бадранов.Үз чиратында, хәрбиләр күрсәтелгән игътибар һәм ярдәм өчен рәхмәт белдерде. Солдатлар хәбәрчеләргә багышлап видеоязма да төшергән. “Безнең янга килгән, үзләре белән гәзит-журналлар һәм махсус җиһазлар алып килгән республика журналистларына рәхмәт әйтәсебез килә. Безнеңбасмаларыбызны укыгыз һәм ялган мәгълүматка ышанмагыз! Зур, игелекле, яхшы республикабызга һәм барлык халкыбызга зур рәхмәт”, – дип белдерә солдатлар видеоязмада. Бер сугышчы мондый күрешүләр һәм туган яклардан килгән хәбәрләр һәрвакыт сөендерә һәм дәртләндерә, дип тә өстәгән.“Башинформ” агентлыгы материаллары буенчаРимер НАСРЕТДИНОВ әзерләде.