Быел проект Дуван, Мәчетле, Кыйгы, Салават, Уфа районнарыннан 20 яшьтән 35 яшькә кадәр 12 талантлы катнашучыны берләштерде. Алар арасында - мәдәният хезмәткәрләре, китапханәчеләр, тәрбияче, шәфкать туташы-анестезиолог, педагог һәм башкалар.Конкурсның Гран-прие Кыйгы районыннан Лилия Мөхәммәтҗановага тапшырылды. Җиңүче - Ибрай авыл китапханәсе китапханәчесе.Чарада мәдәният министрының беренче урынбасары Наталья Лапшина, Кыйгы районы хакимияте башлыгы Зөһрә Гордиенко катнаштылар.- Сабантуйга өченче тапкыр уздырыла торган «Селяночка» конкурсы аеруча матурлык өстәде, быел без республика дәрәҗәсенә чыктык. Конкурсны нәрсә өчен үткәрәбез? Беренче чиратта, авылда матур, тырыш кызлар яшәвен күрсәтергә телим, алар эшне дә, йорт хуҗалыгын да оста итеп берләштерә, шул ук вакытта сөйкемле, ягымлы һәм иҗади авыл кызлары булып кала. Бүген мин моңа кабат инандым. Кызлар, авыл кызлары! Сез бик гүзәлләр, минем өчен сезнең һәрберегез җиңүче! - диде Зөһрә Гордиенко. Катнашучылар милли ризык әзерләү буенча осталыкларын күрсәтте, милли костюмның бер элементын — түбәтәй, түшелдерек, алъяпҡыч фартук, беләзек тәкъдим итте, традицион җәядән атуда үз төгәллекләрен күрсәтте. Иҗади программада конкурсантлар үз авылларының тарихын сөйләде, кулдан эшләнгән киемнәрен күрсәтте һәм шәхси иҗади номерлар тәкъдим иттеләр. фото: башинформ