Республика “Рәсәй” халыҡ-ара форум-күргәҙмәһенә әҙерлек башлаясаҡ

Башҡортостан Башлығы Радий Хәбиров видеобәйләнеш режимында “Рәсәй” халыҡ-ара форум-күргәҙмәһенә әҙерлек буйынса кәңәшмәлә ҡатнашты. Ул Мәскәүҙә 2023 йылдың 4 ноябрендә башланып киләһе йылдың 12 апреленә тиклем дауам итәсәк. Кәңәшмәне Рәсәй Президенты Хакимиәте етәксеһенең беренсе урынбаҫары Сергей Кириенко үткәрҙе. Көн ҡаҙағында – ил төбәктәренең экспозицияларын формалаштырыу. – Һуңғы йылдарҙа беҙҙең илебеҙ тамырынан үҙгәрҙе. Шуның менән бәйле, Халыҡ ҡаҙаныштары күргәҙмәһе майҙанында урынлашасаҡ күргәҙмә ҙур әһәмиәткә эйә. Илдәге үҙгәрештәрҙе, шулай уҡ төбәктәр колоритын күрһәтергә кәрәк, – тип билдәләне Сергей Кириенко. – Экспозицияны миллионлаған рәсәйҙәр, шул иҫәптән уҡыусылар һәм студенттар ҡараясаҡ. Шуға күрә беҙ ғорурланған ҡаҙаныштарҙы күрһәтергә кәрәк. Рәсәй төбәктәре етәкселәре башҡарылыусы эштәр тураһында хәбәр итте. Оҙаҡламай републикала форум-күргәҙмәлә ҡатнашыу концепцияһы әҙерләнәсәк. Фото: https://glavarb.ru/rus/press_serv/novosti/167553.html