“Халыҡ-ара кооперация һәм экспорт” милли проектын тормошҡа ашырыуға ярашлы, 4 июлдә 10:00 сәғәттә (Мәскәү ваҡыты буйынса) видеоконференция рәүешендә Төркиәгә туҡланыу продукттарын экспортлау темаһына семинар буласаҡ. Төркиә партнерҙары менән эш үҙенсәлектәре, сертификация темаһы, ҡаршылыҡтар, сикләүҙәр һәм мөмкинлектәр тураһында фекер алышыу буласаҡ. – Ошо йылдың беренсе кварталында Төркиәгә оҙатылған тауарҙарҙың сама менән өстән бер өлөшөн химия сәнәғәте продукцияһы тәшкил итте. Шулай уҡ ағас һәм аҙыҡ-түлек тауарҙарын да ебәрәбеҙ. Семинар ярҙамында экспортерҙар Рәсәй экспорт үҙәгендәге коллегаларынан поставкаларҙы тормошҡа ашырыу өсөн ниндәй рөхсәт ҡағыҙҙары кәрәклеген, ниндәй ҡаршылыҡтар тыуыу мөмкинлеген беләсәк. Быларҙың барыһы ла Төркиәгә башҡорт экспорты күләмен арттырырға ярҙам итәсәк. Быйылғы дүрт айҙа былтырғы ошо осор менән сағыштырғанда үҫеш 1,74 тапҡырға артты, – тине Тышҡы иҡтисади бәйләнештәр министры Маргарита Болычева. Сарала ҡатнашыу өсөн АО “РЭЦ” сайтында теркәлеү үтергә кәрәк. Сауҙа һәм хеҙмәттәр министры Алексей Гусев әйтеүенсә, “Башҡортостан продукты” проекты урындағы байтаҡ етештереүселәрҙе берләштерә. Яңы һатыу баҙарҙарына сығыу Башҡортостанда етештерелгән тауарҙарға ихтыяждың ҙур булыуын күрһәтә. – Беҙҙең төп бурыс – республика предприятиелары тауарҙарын һатыу баҙарын төбәк кимәлендә генә түгел, ә халыҡ-ара кимәлдә лә киңәйтеү. Был семинар маҡсатыбыҙҙы тормошҡа ашырыу өсөн дәртләндереү сараһы буласаҡ, – тип билдәләне Алексей Гусев. Фото: https://pravitelstvorb.ru/news/21306/