Радий Хәбиров халыкара икътисади форумдагы эшчәнлеккә нәтиҗә ясады

Петербург халыкара икътисади форумында Русия төбәкләрендә инвестицион мохит торышының милли рейтингы нәтиҗәләре презентациясе узды. Ул ел саен эшкуарлар арасында сораштыру нигезендә Стратегик башлангычлар агентлыгы тарафыннан төзелә. 2022 ел нәтиҗәләре буенча Башкортостан дүртенче позициядә тора, үз күрсәткечен бер урынга яхшырткан. - Без планлы рәвештә гамәлгә кертә торган барлык инструментлар һәм механизмнар нәтиҗәле эшли. Бу үз нәтиҗәсен бирде - без 5нче урыннан 4нче урынга күтәрелдек, үз рейтингыбызны күтәрдек. Ул бездә дә үсә торган икътисадка инвестицияләр күләме белән дә үзгәрә. Быел ул 512 миллиард сумга җитте. Болар барысы да - без моңа кадәр кулланган механизмнарның адекват булуы күрсәткече, - дип җаваплады журналистларның соравына Радий Хәбиров. Сорауларның берсе Петербург халыкара икътисади форумындагы Башкортстан стенды хакында булды. Бу - чын мәгънәсендә республика казанышлары күргәзмәсе. - Дөрес. Традиция буенча, эш тәмамланганнан соң, без команда әгъзаларына рәхмәт белдерәбез. Анда һәркем үз урынында. Журналистлар үз эшен башкара, оештыручылар, министрлар, ярдәмчеләр үз эшләрен башкара. Бу бик яхшы оештырылган команда, ул сәгать кебек эшләде. Бездә бик күп очрашулар, чаралар, презентацияләр һәм имзалар куюлар булды. Беркайда да бер генә өзеклек тә булмады. Без стенд эшен һәм меңләгән кунаклар белән аралашуны синхронлаштыра алдык, - дип белдерде Радий Хәбиров. Фото: glavarb.ru