2022 ел нәтиҗәләре буенча Башкортстан, үз күрсәткечен бер урынга яхшыртып, дүртенче урынны алды. Рейтингта беренче ике урынны Мәскәү һәм Татарстан алды, Мәскәү, Түбән Новгород һәм Төмән өлкәләре - өченче урында. Башкортстан беренче тапкыр рейтингта 4нче урында.- Стратегик башлангычлар агентлыгы рейтингында республиканың әйдәп баручы урын тотуы өч факторга бәйле: төбәкнең икътисади потенциалы, беренче чиратта, инвесторларга ресурсларга ия төбәкләр кызыклы. Икенче фактор - потенциаль инвесторлар өчен шартлар тудыруда идарә командасының сыйфатлы эше. Өченче фактор - республика Башлыгының эре инвесторларны җәлеп итүдә һәм масштаблы инвестиция проектларын гамәлгә ашыруда шәхси тырышлыгы, - дип шәрехләде икътисад фәннәре кандидаты, Русия Хөкүмәте каршындагы Финанс университеты Уфа филиалының финанс һәм кредит кафедрасы доценты Азамат Барлыбаев.Фото: bashinform.ru