Командировкага юлланган матбугат басмалары хезмәткәрләре делегациясына "Башкортостан" гәзитенең баш мөхәррире, Башкортстан Журналистлар берлеге рәисе Вәдүт Исхаков җитәкчелек итә. Делегациядә тагын "Агыйдел" журналының баш мөхәррире, язучы һәм драматург Мөнир Кунафин, "Башинформ" агентлыгы хәбәрчесе Эдуард Кускарбәков, журналист Сергей Дорофеев һәм "Юлдаш" радиосы журналисты, блогер Венер Фәйзуллин бар.Башкортстан журналистлары махсус хәрби операциядә катнашучыларга махсус әйберләр, шулай ук китаплар, гәзитләр, һәм башка посылкалар китерде. Делегация Башкортстан Хөкүмәтенең беренче вице-премьеры Азат Бадранов белән очрашты һәм аңа квадрокоптерлар тапшырды.Азат Бадранов журналистарга посылкалар өчен рәхмәт әйтте һәм аларның Башкортстан яугирләренә тапшырылачагын белдерде.Вәдүт Исхаков Азат Бадрановка командировка максатлары турында сөйләде. "Башкортстан журналистлары гуманитар миссияләрне оештыруда даими катнаша һәм яугирләргә тизрәк Җиңүгә өлгәшүләрен тели. Бу Башкортстан журналистларының Донбасска беренче, әммә соңгы сәфәре түгелдер дип ышанам. Бирегә Башкортстаннан махсус хәрби операция бурычларын үтәгән хәрби хезмәткәрләрнең хезмәтен, көнкүрешен яктыртырга тагын килергә ниятлибез. Бу сәфәргә алдан әзерләндек, якташларыбызга буш кул белән килмәдек. Җурналистлар, басма һәм электрон мәгьлүмат чаралары, телевидение һәм радиотапшырулар редакцияләре өч коптер һәм аларга смартфоннар сатып алды. Башкортстан журналистлары һәрвакыт гуманитар конвойлар булдыруда катнаша. Алар яугирләргә азык-төлек, бал, медикаментлар озата. Без яугирләребезгә сәламәтлек һәм тизрәк йортларына исән-сау әйләнеп кайтуларын, һәм, әлбәттә, Җиңү белән кайтуларын телибез", – диде Вәдүт Исхаков. Азат Бадранов яугирләр исеменнән рәхмәт белдерде, квадрокоптерларның никадәр зур әһәмиткә ия икәнлеген ассызыклады. Фото: Эдуард Кускарбәков, Венер Фәйзуллин.