24 июндә Бөрйән районының Ырғыҙлы ауылында “Атайсал” йәмәғәт проекты сиктәрендә ауыл биләмәһенең 270 йыллығына арналған башҡорт эстрадаһы йондоҙҙары концерты үтә. Уның хедлайнеры – Башҡортостандың атҡаҙанған артисы Радик Юлъяҡшин. Концертта шулай уҡ Башҡортостандың халыҡ артисы Рәсүл Ҡарабулатов, республиканың атҡаҙанған артисы Заһир Иҫәнсурин, республиканың атҡаҙанған мәҙәниәт хеҙмәткәре Рәнис Алтынбаев, бөтә Рәсәй һәм халыҡ-ара конкурстар лауреаты Гөлшат Ғирфанова ҡатнаша. Бөрйән районының Ырғыҙлы ауылы – Башҡортостан мәҙәниәт министры Әминә Шафиҡованың тыуған төйәге. Ул, “Атайсал”йәмәғәт проектында ҡатнашыусы булараҡ, проект сиктәрендә концерт ойошторорға һәм клубҡа ярҙам итергә тәҡдим итте. – Әминә Ивний ҡыҙы арҡаһында башҡорт эстрадаһы йондоҙҙары концерты Ырғыҙлы ауылының изге йолаһына әүерелә, сара өсөнсө йыл рәттән уҙғарыла. Министр шулай уҡ ауылдың мәҙәни тормошо менән ҡыҙыҡһына, үҙенең тәүге сығыштары үткән клубҡа ярҙам итә. Ике балалар хореография ансамбле мәҙәниәт министры ҡулынансәхнә костюмдары, ә “Умырзая” фольклор ансамбле мандолиналар һәм теген машиналарынан алды. Әминә Ивний ҡыҙы шулай уҡ тыуған ауыл мәҙәниәт йортона тауышты көсәйтеүсе аппаратура, проектор менән экран һәм өҫтәл уйындары бүләк итте, – тине Бөрйән районы хакимиәтенең мәҙәниәт бүлеге начальнигы Клара Теләүбаева. Хәтерегеҙгә төшөрәбеҙ, 2021 йылда Ырғыҙлы ауылының яңыртылған мәҙәниәт йорто “Мәҙәниәт” милли проекты буйынса капиталь ремонттан һуң үҙ ишектәрен асты. Концерт киске сәғәт 8-ҙә башлана. Билдәле булыуынса, "Мәҙәниәт" (национальный проект “Культура”) милли проекты Рәсәй Президенты Владимир Путиндың май указы менән булдырылды. #ВладимирПутин #национальныепроекты#нацпроекты #региональныепроекты#регпроекты#нацпроектыБашкортостан Фото: Мәҙәниәт министрлығы.