Башҡортостан Хөкүмәте һәм Рәсәй Дзюдо федерацияһы хеҙмәттәшлек тураһында килешеү төҙөнө

Башҡортостан Хөкүмәте һәм Рәсәй Дзюдо федерацияһы хеҙмәттәшлек тураһында килешеү төҙөнө. 15 июндә XXVI Петербург халыҡ-ара иҡтисади форумы майҙансығында Башҡортостан Башлығы Радий Хәбиров һәм Рәсәй Дзюдо федерацияһы президенты Сергей Соловейчик төбәктә көрәштең был төрөн үҫтереү буйынса үҙ-ара эш итеү һәм хеҙмәттәшлек тураһында килешеүгә ҡул ҡуйҙы. Документ Башҡортостанда дзюдо менән шөғөлләнеүселәр һанын арттырыуҙы, спорт һөҙөмтәләрен һәм ҡаҙаныштарын яҡшыртыуҙы, тренерҙарҙың һәм инструкторҙарҙың квалификацияһын күтәреүҙе, матди-техник базаны үҫтереүҙе, сит ил көрәшселәре ҡатнашлығында рәсми спорт ярыштары үткәреүҙе күҙ уңында тота. Билдәләп үтергә кәрәк, Башҡортостанда дзюдо спорт төрө булараҡ Рәсәйҙең атҡаҙанған тренеры Николай Данилович Попов арҡаһында 1960 йылдар аҙағында барлыҡҡа килә һәм төбәк өсөн төп спорт төрө булып тора. Дзюдо республиканың 29 ҡала һәм районында үҫтерелә. 12 муниципаль спорт мәктәбендә һәм олимпия резервы мәктәптәрендә дзюдо буйынса бүлексәләр эшләй, унда 4 меңдән ашыу кеше шөғөлләнә. Республика йыйылма командаһы менән эшләгән тренерҙар составына 79 белгес инә. Сығанаҡ: glavarb.ru