Бөтә донъя ҡан донорҙары көнөндә Һаулыҡ һаҡлау министрлығы хеҙмәткәрҙәре Республика ҡан биреү станцияһында ҡан бирҙе. Акцияла бөтәһе 20 кеше ҡатнашты, уларҙың араһында министр урынбаҫары Динара Еникееваны ла, бүлек начальниктарын һәм белгестәрҙе лә күрергә мөмкин булды. Һәр кем анкета тултырҙы, донация алдынан анализ тапшырҙы һәм 450 миллилитр ҡан тапшырҙы. Республика ҡан биреү станцияһының филиалдары Стәрлетамаҡ, Октябрьский, Нефтекама, Белорет, Бөрө һәм Күмертау ҡалаларында бар. Республикала 12 мең тирәһе Рәсәйҙең Почетлы доноры иҫәпләнә. Былтыр 32 меңдән ашыу кеше донорҙар рәтен тулыландырҙы. Быйыл биш ай эсендә 30 меңдән ашыу ҡан донацияһы әҙерләнде. Сәләмәт кешләрҙең күпселеге донор була ала. Талаптар ҙа бар, 18 йәш тулыуы шарт, кәүҙә ауырлығы 50 килограмдан кәм булмаҫҡа тейеш. Ҡан биреү – кешеләр ғүмерен һаҡлау өсөн ҡиммәтле бүләк. Уның көтөлмәгән ваҡытта кәрәк булыуы ихтимал. Шуға күрә ҡан компоненттарының запасы етерлек булырға тейеш. Рәсәй Президенты Владимир Путиндың “май”