Көн тәртибендә – компаниянең төбәкнең агросәнәгать комплексы белән хезмәттәшлеген киңәйтү мәсьәләләре. Искәртеп узабыз, 2019 елдан «Росагролизинг» авыл хуҗалыгы техникасы паркын яңартуның ташламалы программаларын гамәлгә ашыра, аларда Башкортстан аграрийлары актив катнаша. Мәсәлән, 2023 елның биш аенда хуҗалыкларның техник паркын 1,4 млрд сумлык 204 яңа машина тулыландырды. Шул ук вакытта республика авыл хуҗалыгы җитештерүчеләренә өстәмә ярдәм күрсәтә һәм беренчел взноска һәм лизинг буенча түләүләргә чыгымнарның бер өлешен компенсацияли. – "Росагролизинг " - хуҗалыкларның техник паркын модернизацияләүдә ышанычлы партнерыбыз, - дип ассызыклады Радий Хәбиров. - Гамәлдәге программалар ярдәмендә без яхшы темплар белән яңа тракторлар һәм комбайннар, төбәкнең агросәнәгать комплексы өчен башка җиһазлар сатып алабыз. Бу кыр эшләрен үткәрү вакытын кыскартырга, тармакның нәтиҗәлелеген арттырырга мөмкинлек бирде. Очрашуда ташламалы агротехника тапшыру программалары параметрларын актуальләштерү турында фикер алыштылар. Павел Косов хәбәр иткәнчә, 2023 елның апрель башыннан «Росагролизинг» «Агросезон без платежей» яңа акциясен башлап җибәрде. Аның буенча авыл хуҗалыгы җитештерүчеләре техниканы кыр эшләре башланганчы лизингка ала ала, төп бурычны түләүне 2024 елның сентябренә кадәр кичектереп торалар.