Башҡортостан Республикаһында “Утты туҡтат!” янғынға ҡаршы мәғлүмәт кампанияһы дауам итә. Уның маҡсаты - ҡулдан яһалған тәбиғәт янғындары, шул иҫәптән ҡоро үләнгә үҙ белдеге менән ут төртөү хәүефен кәметеү. Иҫегеҙгә төшөрәбеҙ, әлеге кампания Рәсәй Федерацияһының барлыҡ субъекттарында ла бара, уның төп бурысы – граждандарға урмандарҙа янғын хәүефһеҙлеге ҡағиҙәләре талаптарын күҙәтеү кәрәклеге тураһында мәғлүмәт биреү. Урман фондында янғындарға юл ҡуймау һәм тәбиғи янғындарҙан күрелгән зыянды кәметеү буйынса эште Башҡортостан Урман хужалығы министрлығы “Экология” милли проекты сиктәрендә “Урмандарҙы һаҡлау” федераль проектының маҡсатлы күрһәткестәренән сығып алып барыуын да билдәләргә кәрәк. Бөгөнгө көнгә төбәктең Урман хужалығы министрлығы ҡарамағындағы учреждениелар хеҙмәткәрҙәре дөйөм белем биреү учреждениеларында 20-нән ашыу асыҡ дәрес, 1,9 мең лекция, әңгәмә, ағартыу акциялары һәм ауыл биләмәләре граждандары йыйылыштарында сығыш яһаған, 18 меңдән ашыу листовка, памятка һәм брошюра таратҡан. Шулай уҡ урман фонды биләмәһендә янғын хәүефһеҙлеге буйынса өҫтәмә саралар күрелде: янғынға ҡаршы тематикаға 609 аншлаг, стенд һәм плакат ҡуйылды. Башҡортостан Республикаһы Урман хужалығы министрлығы иҫкәртә: теләһә ниндәй осҡон ҙур хәүеф тыуҙыра ала һәм республикала йәшәүселәрҙе урмандарҙа янғын хәүефһеҙлеге ҡағиҙәләрен мотлаҡ үтәргә, урман янғыны хаҡында йәки урман массивы эргәһендә ут сығыу осраҡтарында 8 (800) 100-94-00 йәки Башҡортостан Республикаһы Урман хужалығы министрлығының Төбәк диспетчер хеҙмәтенә шылтыратырға саҡыра: 8 (347) 218-14. Билдәле булыуынса, "Экология" (национальный проект “Экология”) милли проекты Рәсәй Президенты Владимир Путиндың май указы менән булдырылды. #ВладимирПутин #национальныепроекты#нацпроекты #региональныепроекты#регпроекты#нацпроектыБашкортостан Фото: Урма хужалығы министрлығы.