Әлиә Ҡарасурина тиҙҙән Ришат Төхвәтуллиндың законлы ҡатыны буласаҡ. Туй мәжлесе алдынан Әлиә ҡыҙ саҡтағы Ҡарасурина фамилияһы менән һаубуллашыу кисәһе, йәғни “девичник” үткәргән. Байрам үҙе лә, мәжлескә махсус бешерелгән торт та: “Гуд бай, Ҡарасурина” тип атала. Ябыҡ сараға йырсы Гөлсирин Абдуллинаны, кейәү егетенең бер туған һеңлеһе Айгөл Бәҙретдинованы һәм башҡа дуҫ ҡыҙҙарын саҡырған. Табын артында башланған мәжлес караоке-клубта дауам иткән. "Интертат"ҡа биргән интервьюһында Әлиә июнь аҙағында туйҙары буласағын һөйләгән ине. "Әлегә әҙерлек эштәре бара. Ҡазан ситендәге бер банкеттар залында үтәсәк. Бөтә серҙәрҙе асып бөтөрмәйбеҙ. Туй күлдәге әҙер", - тигән. Йәштәр бәхетле булһын! Фото һәм текст сығанағы: "Интертат"