Найти тему
Башҡортостан гәзите

Ғорурланабыҙ!

“Йәмле йәй көндәрендә яҡшы хәбәрҙәр, шатлығыбыҙ менән уртаҡлашабыҙ. Әлеге ваҡытта махсус хәрби операцияла ҡатнашыусы балалыҡ дуҫым “Хәрби батырлыҡ өсөн” II дәрәжә миҙалы менән наградланды. Миҙал алыуы менән ҡотлайым, ныҡлы һаулыҡ, уңыштар һәм дә тыуған яҡтарға имен-һау ғына ҡайтыуын теләйбеҙ! Аллаһ бирһә именлектә-һаулыҡта осрашырға насип булһын!”, – тип яҙҙы Өфө районының Шамонин урта мәктәбе уҡытыусыһы Альберт Сырлыбаев. “Хәрби батырлыҡ өсөн” II дәрәжә миҙалы РФ оборона министрлығының ҡораллы көстәрендә хеҙмәт иткән һәм түбәндәге ҡаҙаныштарға эйә булған кешеләргә бирелә: хәрби әҙерлек процесында күрһәткән батырлығы өсөн; хеҙмәт бурыстарын үтәү процесында күрһәткән батырлығы һәм ҡаһарманлығы өсөн. “Зверь” позывнойлы яугиребеҙ хаҡында тулыраҡ гәзитебеҙҙең киләһе һандарында уҡырһығыҙ.