Республиканың эчке эшләр органнарының дежур частьләренә мошенниклыкка бәйле 8 хәбәр килгән. Алар арасында: төрле хезмәтләр күрсәткәндә - 3, банк хезмәткәре булып - 3, Интернет аша товарлар сатып алганда яки сатканда 1 алдау факты теркәлгән.Русия Эчке эшләр министрлыгының Стәрлетамак шәһәре буенча идарәсенә 67 яшьлек хатын-кыз мөрәҗәгать итә. Ул кызының Интернет киңлекләрендә таныш булмаган кешеләр белән танышуын сөйли, алар үзләрен танылган чит ил төркеме солистлары дип таныштырган һәм аралашуны дәвам итү өчен «фан-карталар» сатып алырга кирәклеген хәбәр иткән. Кыз, аферистларның сүзләренә ышанып, ярты ел дәвамында явыз ниятле кешеләр күрсәткән исәпләргә 250 мең сумга якын акча күчергән.Бөре шәһәрендә яшәүче хатын товарларны интернет-кибеттән сатып алырга теләгән, әмма акчасыз калган. 49 яшьлек ханым полициягә алдау турында гариза белән мөрәҗәгать итә. Зыян күрүченең сүзләренчә, аңа онлайн-кибет менеджеры күпләп сату тәкъдиме белән язган. Ханым ике атна дәвамында, товарлар сатып алам, дип уйлап, мошенник күрсәткән исәпләргә акча күчерә. Әмма билгеләнгән көнне аңа бернәрсә дә килмәгәч, ул үзен алдаганнарын аңлый. Барлыгы ул аферистларга 230 меңнән артык акча күчергән.Башкортстан Республикасы буенча Эчке эшләр министрлыгы искә төшерә: таныш булмаган кешеләргә акча күчермәгез. Әгәр дә шалтырату "банк хезмәткәре"ннән булса, трубканы куегыз. Онытмагыз, мошенниклар ялган номерлар куллана ала. Социаль медиада аралашканда уяу булыгыз. Танышларыгыздан шикле хәбәрләр алганда, алар белән шәхси номерыгыз буенча элемтәгә керегез. Шикле сылтамалар һәм тикшерелмәгән сайтларга кермәгез. Фото: mk.ru