Башҡортостан Хөкүмәтенән хәбәр итеүҙәренсә, Өфө дәүләт нефть техник университеты үҙенең лабораторияларын вуз-ара студенттар кампусында урынлаштырырға уйлай. Әйткәндәй, донъя кимәлендәге вуз-ара студенттар кампусының бурысы – сәнәғәттә алдынғы техник хеҙмәттәрҙе йыйыу, уларға анализ эшләү һәм производствоға индереү. Беҙгә хәбәр итеүҙәренсә, Өфө дәүләт нефть техник университеты төҙөлөп ятҡан үҙәктә ике ҡатты – алтынсы һәм етенсе ҡаттарҙы биләй. Бындағы дүрт мең квадрат метрҙан ашыу майҙансыҡта ун ғилми-фәнни һәм тикшеренеү үҙәктәре һәм лабораториялар урынлашасаҡ. Шул иғтибарға лайыҡ, Өфө дәүләт нефть техник университеты Рәсәйҙең терәк юғары уҡыу йорто һанала, улай ғына ла түгел, "Газпром" һәм "Сибур Холдинг" йәмғиәттәренең – ышаныслы белем усағы һәм НК "Роснефть" йәмғиәтенең стратегик партнеры иҫәпләнә. Беҙгә билдәле булыуынса, акселераторҙар – ғилми һәм практик майҙансыҡтар уңышлы эшләй, ә уларҙа үҙҙәренең старт-ап проекттарын үҫтереү өсөн ҡыҙ һәм егеттәр унда төплө белем ала. Өфө дәүләт нефть техник университетының бер мең ярымдан ашыу студенты акселерация программаһы нигеҙендә белемдәрен нығытҡан да инде, ул инновацион технологик проекттарҙы төҙөүгә һәм үҫтереүгә ҡоролған. Фото: Башҡортостан Хөкүмәте.