Радий Хәбиров республика халҡын Рәсәй көнө менән ҡотланы

Башҡортостан Башлығы Радий Хәбиров республика халҡын Рәсәй көнө менән ҡотлап, тарихи ҡаҙаныштар һәм уңыштар теләне. “Хөрмәтле ватандаштар! Барлыҡ республика халҡын Рәсәй көнө, беҙҙең халыҡ геройы Салауат Юлаев көндәре менән ихлас ҡотлайым! Илебеҙҙең төп байрамын Ватаныбыҙҙың сәскә атыуына көсөн һәм белемен һалған, Тыуған илебеҙҙең яҙмышы өсөн яуаплылыҡ тойған һәр кем билдәләй. Ул ябай булмаған һынауҙар алдында торған рәсәйҙәрҙең берҙәмлек символы булып тора. Беҙ байрамды лайыҡлы һөҙөмтәләр менән, илебеҙҙең киләсәге өсөн тулы ышаныс менән ҡаршылайбыҙ. Республикабыҙ үҫешкән сәнәғәткә, фәнгә, мәғарифкә һәм мәҙәниәткә таянып, тос уңыштарға өлгәшә һәм илдең ҡеәүәтен арттырыуға ҙур өлөш индерә. Бөгөнгө байрам беҙҙе өлкән быуындар һәм заманыбыҙҙың ысын геройҙары – махсус хәрби операцияла ҡатнашыусыларҙың батырлығына, ныҡлығына тиңләшергә саҡыра. Был көндәрҙә милли батырыбыҙ Салауат Юлаевтың 269 йыллығын билдәләү айырыуса символик мәғәнәгә эйә. Уның исеме быуындар хәтерендә туған халҡына тоғролоҡ өлгөһө булып мәңгегә ҡаласаҡ! Салауат тоҡомдары артҡа сигенә белмәй! Беҙ яугирҙәребеҙгә ярҙам һәм тәрән хөрмәт һүҙҙәре менән мөрәжәғәт итәбеҙ. Уларҙың ғаиләләре һәм туғандары тураһында хәстәрлек күрәсәкбеҙ, йәш быуынды уларҙың өлгөһөндә тәрбиәләйәсәкбеҙ. Өфөләрҙе Ҡала көнө менән ҡотлайым! Баш ҡалабыҙҙың юбилей датаһына – уның 450 йыллығына ла күп ҡалмай. Өфө – хеҙмәт ҡаһарманлығы ҡалаһы байрамды яңы ҡаҙаныштар менән ҡаршыларға әҙерләнә. Беҙҙең уртаҡ йортобоҙға – бөйөк Рәсәйгә сәскә атыу һәм тарихи ҡаҙаныштар! Байрам менән, ҡәҙерле дуҫтар! Башҡортостан Башлығы Радий Хәбиров". Фото: glavarb.ru