"Башкортстанда "ана" сүзе барысыннан да өстенрәк"

9-10 июньдә Уфаның «Торатау» конгресс-холында «Хатын-кыз бәхете территориясе» Бөтенрусия ачык академиясе узды – Башкортстан Республикасында хатын-кызларның социаль, эшлекле һәм иҗади үз-үзен тормышка ашыру өчен киңлек һәм җәмгыять булдырырга чакырылган уникаль хәйрия проекты. Ачык академия инде өченче тапкыр Бөтенрусия масштабында уза һәм экспертлар, спикерлар, бөтен Русиядән танылган хатын-кызларны җыя. Тормыш эшчәнлегенең төрле өлкәләрендә билгеле бер уңышларга ирешкән хатын-кызларның проект чараларында катнашуы диалог форматы ярдәмендә республикада яшәүчеләргә аларның уңай тәҗрибәсен трансляцияләргә мөмкинлек бирәчәк..Әлеге чарага Бөтенрусия ачык академиясенә Халыкара психология һәм психотерапия институты ректоры, психолог, психотерапевт, гипнотерапевт, телевидение алып баручысы, «Кыз бала. Яшь кыз. Хатын-кыз» бестселлеры авторы Марк Бартон килде. Марк Бартон – хатын-кызлар өчен «Мин хатын-кыз» халыкара психотерапия программасы авторы. Уфада ул бу темага лекция белән чыгыш ясады.– Башкортстан пропагандада, гаилә кыйммәтләрен алга сөрүдә, бигрәк тә хатын-кызларга кагылышлы өлештә алга киткән, – диде Марк Бартон. – Кызганычка каршы, без еш кына гаиләдәге көч куллану очраклары белән очрашабыз. Яки күп балалы, ялгыз, үзләрен тормышка ашыра алмаган, көнкүреш авырлыкларын, психологик авырлыкларын җиңә алмаган хатын-кызларны алыйк. Мондый проектлар хатын-кызларны кызыксыну буенча берләштерә, кризисның төрле формаларын җиңәргә ярдәм итә, шулай ук балаларын югалткан һәм психологик ярдәмгә мохтаҗ булган аналарга ярдәм итә. Күп кенә төбәкләр Башкортстан тәҗрибәсеннән үрнәк алырлар дип уйлыйм.Спикер «Хатын-кыз бәхете территориясе» академиясендә беренче тапкыр катнаша һәм республикада гаилә кыйммәтләренә, балачакка, ата-анага, хатын-кызларга һәм ир-атларга юнәлдерелгән төрле социаль проектларда катнашырга әзер булуын билгеләп үтте:– Уфада чыгыш ясаганда, мин хатын-кызның үз-үзен бәяләве, үз-үзен актуальләштерүе турында сөйләшергә, сорауларга җавап бирергә планлаштырам. Зал белән элемтә булу бик мөһим – аеруча хатын-кызлар бирегә проблемалары белән килгән очракта. Алар төрле төбәкләрдә менталитет, традицияләр, социомәдәни, рухи, дини аспектларны исәпкә алып, бөтенләй төрле.Психолог билгеләп үткәнчә, ул инде бераз аралашкан Башкортстан хатын-кызларының һәм ир-атларының үзгә хас яклары бар. Ул ачыклаганча, еш кына ана сүзе Башкортстанда ир-ат өчен хатын яки яраткан хатын-кыз сүзеннән мөһимрәк. Марк Бартон форумга алга таба үсеш теләде һәм әлеге проектка җитәкчелек тарафыннан ярдәм итүнең мөһимлеген ассызыклады.–Республика җитәкчелегенең мондый чараларга ярдәм итүе бик яхшы. Каринэ Владимировна хатын-кызларга хас нәфислекне һәм зирәклекне гәүдәләндерә, үз мисалында үзен хатын-кыз буларак ничек күрсәтергә кирәклеген аңлата, шул ук вакытта тышкы ягымлылыгын да, ире белән үзара бәйләнешен дә югалтмый. Форумда катнашучылар елдан-ел үсәчәк, ә хатын-кызлар нинди юнәлештә барырга икәнен аңлаячак. Академиягә уңышлар телим! – диде Марк Бартон.