Бәйрәмдә Башкортстан Башлыгы Хакимияте җитәкчесе Максим Забелин, Дәүләт думасы депутаты Римма Үтәшева, БДМУ ректоры Валентин Павлов һәм башкалар катнашты. —Безнең медицина җәмгыятендә зур вакыйга, территориаль мотлак медицина страховкалавы фондына — 30 ел. Бүген республика Башлыгы Радий Хәбиров исеменнән фонд хезмәткәрләрен чын күңелдән тәбриклим, коллективка уңышлар телим, хезмәтләре безнең халыкны һәрчак сөендереп торсын иде, — диде Максим Забелин.Ул Фонд хезмәткәрләренең барлык яңа проектларда катнашуын һәм “Сәламәтлек саклау” гомумдәүләт проектын гамәлгә ашыручы чараларды ярдәм итүләрен билгеләде. Максим Васильевич республика Башлыгы исеменнән аеруча уңышларга ирешкән хезмәткәрләргә республика һәм ведомство бүләкләре тапшырды.Чарада Федераль мотлак медицина страховкалавы фонды рәисе Илья Баланинның сәламләве, котлавы да ишеттерелде. Дәүләт думасы депутаты Римма Үтәшева залда җыелганнарга ихлас котлау сүзләрен җиткереп, коллективның бер гаиләдәй бердәм булуын, уңышлы эшләвен билгелде.Бәйрәм матур концерт номерлары белән үрелеп барды. Автор фотолары.