Мөжәүир хәҙрәт йәки Хәҙрәт олатай тигән бөйөк шәхес хаҡында барыһы ла беләлер. Халыҡ табибы булараҡ танылған Мөжәүир Сиражетдинов хаҡында яҙыусы Лира Яҡшыбаева "Мөжәүир хәҙрәт" исемле китап яҙҙы. Арыҫлан Мөбәрәков исемендәге Сибай башҡорт дәүләт драма театры был әҫәр буйынса спектакль сығарҙы, уны режиссер Дамир Ғәлимов сәхнәләштерҙе. Мөжәүир олатай образын Башҡортостандың атҡаҙанған артисы Урал Зәйнуллин уйнаны. Шулай уҡ Мөжәүир хәҙрәттең тормошо һәм диндар эшмәкәрлеге тураһында нәфис фильм әҙерләнеүе хаҡында ла яҙып үткәйнек. Бөгөн изге йома көнөндә йәнә ҡыуаныслы яңылыҡ менән уртаҡлашабыҙ: Лира Яҡшыбаева һүҙҙәренә һәм Рифат Йәмлихин көйөнө "Мөжәүир хәҙрәт" тип аталған өр-яңы йыр донъя күрәсәк. Тиҙҙән был йырҙы ла ишетергә насип булыр. Иншалла, шулай булһын! Фото: Рифат Йәмлихиндың "Бәйләнештә"ге сәхифәһенән.