Советлар Союзы Герое Миңнегали Гобәйдуллин исемендәге батальонны озаттылар

Чараның башында батальон командиры Фәрит Миһранов Башкортстан Башлыгына хәрби бүлекчә төзү турында хәбәр итте, шуннан соң Радий Хәбиров Стратегик башлангычлар агентлыгы генеральный директоры Светлана Чупшева белән бергә легендар комдив Миңнегали Шәйморатов һәйкәленә чәчәкләр салдылар.«Бүген без Миңнегали Гобәйдуллин исемендәге батальонны һәм ике бүлекчәне хәрби күнекмәләргә озатабыз. Шулай итеп, Башкортстанның ирекле мотоукчылар полкын формалаштыруны тәмамлыйбыз диярлек. Аның ике батальоны һәм биш бүлекчәсе инде хәрби күнекмәләр уза. Республика исеменнән сезгә Ватанны яклау өчен катлаулы карар кылуыгыз өчен рәхмәт белдерәм. Бөтен халык сезгә рәхмәт белдерә һәм зур хөрмәт белән карый. Тыныч вакытта кулга корал алу – гади карар түгел. Әмма бу бик кирәкле карар. Меңләгән егетләребез һәм ирекләр үзләренең хәрби бурычларын үтиләр, батырлык һәм каһарманлык күрсәтәләр. Күнекмәләр чоры дәвамында без сезнең янда булачакбыз. Республиканың бурычы - сугышта кирәк булган күнекмәләрне үтү өчен бөтен шартларны тудыру. Бүген сез үзегезнең хәрби бурычыгызны үтәргә китәсез. Өйдә гаиләләрегез - әти-әниләрегез, хатыннарыгыз, балаларыгыз кала. Без алар янында булачакбыз дип вәгъдә итәм. Аларга ярдәм итәрбез. Без төбәктә хәрбиләргә һәм аларның гаиләләренә ярдәм итүнең дүрт үзәген ачтык инде. Бөтен республика белән сезнең туганнарыгыз һәм якыннарыгыз турында кайгыртырбыз. Хөрмәтле сугышчылар! Ышанам ки, сез үз бурычыгызны лаеклы үтәрсез һәм өегезгә исән-имин әйләнеп кайтырсыз. Ә без сезне каршы алырбыз", - диде Радий Хәбиров, сугышчыларга мөрәҗәгать итеп.Чарада катнашучы «Баязит» җәмгыяте директоры, Башкортстанның атказанган авыл хуҗалыгы хезмәткәре, Миңнегали Гобәйдуллинның туганы Рөстәм Хаҗигали улы Манаков үз фикерләре белән бүлеште: “Советлар Союзы Герое Миңнегали Гобәйдуллин белән минем әни - икетуганнар. Безнең картинәй белән аның әнисе бертуганнар. Миңнегали абый рәсем ясарга оста булган. Әнисе китап арасына кыстырылыган аның сурәтләрен күрсәтә иде. Миңнегали абый безнең гаиләбез һәм туганнарыбыз өчен, район һәм республика өчен - горурлык. Яшь буынны, балаларыбызны һәм оныкларыбызны аның батырлыгы үрнәгендә тәрбиялибез.Хәрби операциягә юлланучы якташларыбыз куелган бурычларны намус белән үтәсен, барысы да исән-сау туган якларына кайтсын”.Фото: bashinform.ru