Русиянең беренче фәнни балалар мәйданчыгы Сочида 1 июньдә, Балаларны яклау көнендә ачылды, 2025 елга мондый мәйданчыклар илнең ким дигәндә 30 шәһәрендә барлыкка килергә тиеш, дип хәбәр ителә Русиянең Мәгариф һәм фән министрлыгы сайтында.“Фәнни балалар мәйданчыклары Русия төбәкләрендә Фән һәм технологияләр унъеллыгының шул ук исемдәге башлангычы белән төзелә. 2025 елга мондый объектлар Русиянең кимендә 30 шәһәрендә барлыкка килер дип планлаштырыла”, – диелә хәбәрдә. Министрлыкта аңлатуларынча, фәнни мәйданчыклар мәктәпкәчә һәм башлангыч мәктәп яшендәге балаларны төп фәнни принциплар белән, ә аларның әти-әниләрен – балаларга фәнни карьера ача торган заманча фәнни тенденцияләр һәм мөмкинлекләр белән таныштыру максатыннан төзелә. Сочи “Фәнни балалар мәйданчыклары” проектын гамәлгә ашыру өчен пилот төбәккә әверелде.