Иң талантлылар бер мәйданга җыелачак

Республика талантлы яшьләрне үстерүгә зур көч сала. Аларның төрле башлангычларына ярдәм күрсәтү, талант ияләренә иҗат эшенә этәргеч бирү – җитәкчелекнең һәрвакыт игътибар үзәгендә. Шундый башлан­гычларның берсе – талантлы һәм инициативалы яшьләргә тапшырылучы Шәехзадә Бабич исемендәге премия.2019 һәм 2020 елларда әдәбият, сәнгать һәм архитектура өлкәсендә Шәехзадә Бабич исемендәге дәүләт яшьләр премияләренә түбәндәге талант ияләре лаек булды:Фәйзи Гаскәров исемендәге дәүләт халык бию ансамбле артисты Айбулат Баһаветдинов Марат Кәримовның “Салават” хореографик куелышындагы эше һәм хореография сәнгатен популярлаштырганы өчен;Азат Вәлитов М. Гафури исемендәге Башкорт дәүләт академия драма театры спектакльләрендә – Игнатов (“Зөләйха күзен ача” Гүзәл Яхинаның шул исемдәге романы буенча), Прометей (“Прометей”, Мостай Кәримнең “Ташлама утны, Прометей!” пьесасы буенча), Айсуак (“Гөлбостан”, Кадыйр Даянның “Тансулпан” пьесасы буенча Дамир Йосыповның “Гөлстан” спектакле) рольләрен югары профессиональлек белән башкарганы өчен;Русиянең һәм Башкортстанның Язучылар берлекләре әгъзасы, дүрт шигъри җыентык авторы Александр Хватков әдәбият өлкәсендә югары иҗади казанышлары, Башкортстан әдәбияты үсешенә һәм яшьләргә рухи тәрбия бирүгә өлеш керткән өчен.Әгәр сезгә 16-35 яшь икән һәм сез республика мәнфәгатьләрендә үсәсез, ә иҗади проектларыгыз җәмәгатьчелек тарафыннан танылган булса – тизрәк гариза юллагыз! Документлар 2023 елның 1 июленә кадәр кабул ителә.Премияләр Башкортстан Хөкүмәте тарафыннан ике елга бер тапкыр бирелә. Аның күләме – 150 мең сум.Игътибар!*Әдәбият, сәнгать һәм архитектура әсәрләре – тәкъдим ителү көненә кадәр кимендә 1 ел алда басылган, халык хозурына чыгарылган булырга тиеш;* әдәби әсәрләр матбугатта ахыргача басылып чыккан булырга тиеш;* музыка, театр, хореография, цирк, кинематография һәм сынлы сәнгать әсәрләре алар белән күргәзмәләрдә, матбугат чараларында, концертларда, театрларда һәм кинотеатрларда киңкүләм таныштыру булганнан соң тәкъдим ителә;* архитектура өлкәсендәге эшләр бина, корылма яки корылмалар комп­лексы файдалануга тапшырылганнан соң тәкъдим ителә ала.Шуңа да игътибар итегез, коллектив эшләрдә дәгъва итүчеләр саны 5 кешедән артмаска тиеш.Эшләр түбәндәге адрес буенча кабул ителә: Уфа шәһәре, Аксаков урамы, 2нче йорт, 411нче бүлмә, Башкортстан Республикасы Яшьләр сәясәте буенча дәүләт комитетының яшьләр башлангычларына ярдәм итү бүлеге.Сәхифәне Гөлия Гәрәева әзерләде.