6 июндә көндөҙгө сәғәт дүрттә Айбүләк – Әмзә автомобиль юлының 14-се километрында Нефтекамала йәшәгән 64 йәшлек ир "Рено Логан" автомобилендә идараны юғалтып, юлдан ситкә сығып түңкәрелә. Авария һөҙөмтәһендә водитель алған йәрәхәттәренән ваҡиға урында уҡ вафат була. Ошо уҡ көндә киске сәғәт етелә Нефтекама – Яңауыл автомобиль юлының 47-се километрында 49 йәшлек ир "Лада Гранта" автомобилендә аварияға осрай. Һөҙөмтәлә 40 йәшлек пассажир алған йәрәхәттәренән медицина учреждениеһында вафат булған. Водителгә, шулай уҡ 46, 35 һәм 33 йәшлек өс пассажирға медицина ярҙамы талап ителгән. Водителде тикшереү һөҙөмтәһендә уның эскәнлеге асыҡланған. Билдәле булыуынса, һәләк булған ҡатын хәүефһеҙлек ҡайышын таҡмаған булған. Юл-транспорт ваҡиғаһының сәбәптәрен һәм шарттарын асыҡлау өсөн бер нисә экспертиза тәғәйенләнгән. Иҫерек водителдәрҙең йәки йәйәүлеләрҙең юл хәрәкәте ҡағиҙәләрен тупаҫ боҙоуы тураһында Башҡортостан буйынса эске эштәр министрлығына – 8(347) 279-32-92 телефоны аша хәбәр итә алаһығыҙ. Шулай уҡ телеграм мессенджеры @GIBDDRB_02bot эшләй. Фото: @bash_gibdd