Нәтиҗәдә компания Әзербайҗан белән 30 мең долларлык экспорт контракты төзегән. Бу хакта Башкортстан Республикасының тышкы икътисади элемтәләр һәм конгресс эшчәнлеге министры Маргарита Болычева хәбәр итте. - Без эшкуарларыбызның уңышлары белән бүлешүне дәвам итәбез. Әлеге компания өчен бу беренче экспорт контракты. Бу килешү аларга алга таба үсеш өчен алынган акчаларны җибәрергә мөмкинлек бирәчәк. Ышанам ки, әлеге уңай мисал башка эшкуарлар өчен дә илһам булыр һәм аларны чит ил базарларына чыгарга этәрер. Ә Башкортстанның Тышкы икътисади элемтәләр һәм конгресс эшчәнлеге министрлыгы һәм экспортны яклау буенча төбәк үзәге моңа максималь ярдәм күрсәтәчәк, - дип шәрехләде Маргарита Болычева. "БашЭко" көндәлек тормышта кулланылучы мөһим продуктлар чыгара торган агач калдыкларын эшкәртү белән шөгыльләнә, үз эшчәнлеген 2021 елдан бирле башкара. Предприятие командасының төп бурычы - агачтан экологик чиста продуктларны популярлаштыру гына түгел, ә аның кулланучылар базарында ачыклыгын тәэмин итү. Компания актив үсә һәм кулланучылар базарына яңадан-яңа товар тәкъдимнәрен чыгара. Фото: pravitelstvorb.ru