“Ярты гасыр диярлек — 47 ел! - Күмертауда Ришат Рәкип улы Вахитов балалар хирургы булып эшли. Медицина хезмәткәре көнендә мин аның турында “Башкортостанның искиткеч кешеләре тормышы” рубрикасында сөйлим”, — дип яза Башкортстан Башлыгы социаль челтәрдә. “1976 елдан бүгенге көнгә кадәр ул Күмертау шәһәр дәваханәсендә эшли. Монда ул интернатурадан соң ук килгән һәм әле дә үз һөнәренә тугрылык саклый.Ришат Вахитов кебекләр турында “алтын куллылар” дип әйтәләр. Ул үз гомерендә күпме сабыйны коткарган — санап бетерерлек түгел. Югары квалификацияле белгеч, хирургия бүлеге мөдире булып эшли, күз микрохирургиясе бүлеге белән җитәкчелек итә. 75 яшендә булса да, ул яшь пациентларны кабул итүен дәвам итә. Ә тагын Ришат Рәкыйп улы — Башкортстанның атказанган табибы һәм БАССРның атказанган мәдәният хезмәткәре. Аның яраткан хоббие — башкорт халык җырларын башкару. Ул бик яхшы җырлый һәм күп кенә музыка коралларында уйный. Илнур Вахитов, Ришат Рәкыйповичның улы, әтисенең эшен дәвам итә. Ул да хирург, шәһәр дәваханәсенең поликлиника бүлегендә кабул итү алып бара.Ришат Рәкыйповичны, Илнур Ришатовичны, алар белән бергә барлык табибларны, шәфкать туташларын, ашыгыч ярдәм фельдшерларын, санитарларны бәйрәм белән котлыйм! Сезгә ныклы сәламәтлек, бәхет һәм иминлек телим! P. S. Вакыт табыгыз һәм Ришат Ракиповичның җырлавын тыңлагыз. Бу җырларда халкыбызның җаны”, — дип язган Радий Хәбиров.