Махсус хәрби операциядә катнашкан берничә дистә якташыбыз туган Башкортстанда ял иттеләр һәм яңадан алгы сызыкка китәләр. Тантаналы озату бүген иртән «Уфа-Арена» каршындагы мәйданда узды. Сугышчыларны озатырга аларның якыннары һәм туганнары килде.Шулай ук тантанада Дәүләт җыелышы – Корылтай депутаты Салават Фәррахов, Уфа хакимият башлыгы урынбасары Владимир Жебровский, Уфа Совет районы хакимият башлыгы Рөстәм Рәхмәтуллин, Башкортстан хәрби комиссариатының бүлек начальнигы Альберт Гыйльманов катнашты. Бу хакта “Панорама Башкортостана” басмасы хәбәр итә."Кадерле дуслар! Безнең сугышчыларыбыз, якыннарыбыз һәм туганнарыбыз, сугышчыларыбызның дуслары. Республикабыз Башлыгы Радий Фәрит улы Хәбиров, Башкортстан Дәүләт җыелышы – Корылтай Рәисе Константин Борисович Толкачев исеменнән, бөтен депутатлар корпусы исеменнән сезгә чын күңелдән сәлам белдерәм. Сез инде бер елдан артык махсус хәрби операциядә катнашасыз. Часть командованиесеннән сезнең турыда фикерләр, бүләкләр сезнең хәрби бурычыгызны намус белән үтәвегезне, Ватаныбызны саклавыгызны күрсәтә.Республика барлык проблемаларга да төшенә, кирәкле ярдәм күрсәтә, гуманитар йөкләр җибәрә. Бу ярдәм кирәк булганда даими күрсәтелә. Туганнарыгызга һәм якыннарыгызга килеп туган мәсьәләләр буенча дәүләт ярдәме күрсәтеләчәк. Мөрәҗәгать итегез, барлык сорауларны хәл итәчәкбез.Сезнең туганнар һәм якыннар арасында медицина хезмәткәрләре бар. Иртәгә бөтен Русия буенча Медицина хезмәткәре көне билгеләп үтелә. Сезне, кадерле табиблар, шәфкать туташлары котлыйм. Сезнең хезмәт безнең республика өчен бик мөһим. Хәзер Самарада хәрби килешүдә «Башкортостан» ирекле полкы тора. Аның составында медицина ротасы да бар.Кадерле сугышчыларыбыз! Сезне җиңү белән көтәбез! Исән-имин әйләнеп кайтыгыз! Без сезне лаеклы каршы алачакбыз”, — диде Салават Фәррахов.Тантанадан соң сугышчыларга туганнары белән аралашу өчен ун минут вакыт бирелде. Аннан автобусларга утырдылар. Хәерле юл!Фото: panoramarb.ru