“Башҡортостан панорамаһы” баҫмаһы хәбәр итеүенсә, махсус хәрби операцияла ҡатнашҡан бер нисә тиҫтә яҡташыбыҙ, тыуған Башҡортостанында отпускыла булғандан һуң, тағы алғы һыҙыҡҡа юлланды. 17 июндә “Өфө-Арена” алдындағы майҙанға яҡташтарыбыҙҙы оҙатырға туғандары, яҡындары килде. Сарала шулай уҡ Башҡортостан Дәүләт йыйылышы – Ҡоролтай депутаты Салауат Фәррәхов, Өфө ҡалаһы хакимиәте башлығы урынбаҫары Владимир Жебровский, Өфөнөң Совет районы хакимиәте башлығы Рөстәм Рәхмәтуллин, Башҡортостан Хәрби комиссариаты бүлеге етәксеһе Альберт Ғилманов килгәйне. - Башҡортостан Башлығы Радий Фәрит улы Хәбиров, Башҡортостан Дәүләт Йыйылышы – Ҡоролтай рәйесе Константин Борисович Толкачев, барлыҡ депутаттар корпусы исеменән сәләмләйем. Һеҙ йылдан ашыу махсус хәрби операцияла ҡатнашаһығыҙ. Частар командованиеларынан әйтелгән һүҙҙәр, наградалар хәрби бурысығыҙҙы намыҫ менән үтәүегеҙ, Тыуған илебеҙҙе һаҡлауығыҙ тураһында һөйләй, - тине Салауат Фәррәхов. - Яҡындарығыҙ, туғандарығыҙ араһында медицина хеҙмәткәрҙәре бар. Иртәгә тотош Рәсәйҙә Медицина хеҙмәткәрҙәре көнө билдәләнә. Хөрмәтле табиптар, шәфҡәт туташтары, ҡотлайбыҙ һеҙҙе. Хеҙмәтегеҙ республика өсөн бик мөһим. Әле Һамарҙа хәрби йыйында - "Башҡортостан" доброволецтар полкы. Уның составында медицина ротаһы бар. Сығанаҡ, фото: panoramarb.ru/news/novosti