Өфөлә Рәсәй Президенты Владимир Путиндың “май” указдарына ярашлы барлыҡҡа килгән “Хәүефһеҙ сифатлы юлдар” милли проектына (национальный проект "Безопасные качественные дороги") ярашлы ремонт эштәре дауам итә. Был юл-төҙөлөш миҙгеле аҙағына тиклем урам-юл селтәренең ете объекты тулыһынса ремонтланасаҡ. Яңыртылған участкаларҙың дөйөм оҙонлоғо алты километрҙан ашыу, тип хәбәр иттеләр Өфө ҡалаһы хакимиәтенән. Был урамдарҙың береһе – Демьян Бедный урамы. Глазовская урамына тиклем яңыртылған участка ойҙонлоғо 1,5 километр тәшкил итә. Унда ремонт эштәре 11 майҙа башланған. Был урамдағы барлыҡ эштәр киләһе йыл аҙағында тамамланасаҡ. Ә Галле ҡалаһы исемендәге урамдағы эштәр 26 апрелдә башланған. 730 метр оҙонлоғондағы Лев Толстой урамында ремонт эштәре 5 апрелдә башланған. Муниципаль килешеүҙәр ваҡытының аҙағы – 2023 йылдың 15 сентябре. Әммә әле үк был участкала барлыҡ эштәр тамамланған. Менделеев урамының ремонт эштәре атҡарыласаҡ өлөшө 910 метр тәшкил итә. Ә Яңы Рәсәй урамын йүнәтеү былтыр старт алған.