“Сәләмәт республика – сәләмәт төбәк” акцияһы маршруттары. Быйыл “Сәләмәт республика – сәләмәт төбәк” акцияһы башланғандан алып белгестәр 51 952 кешене ҡабул иткән, 14 448 тикшереү үткәргән, шул иҫәптән 9 183 флюорография, 5 265 маммография. 1 322 гражданда ҡанда глюкоза кимәле юғары, 2 415-ендә ҡанда холестерин кимәле юғары, 2 887 кешелә ҡан баҫымы юғары, 2 282-ендә - артыҡ ауырлыҡ. Табиптар тәүге тапҡыр 1 311 социаль әһәмиәтле сирҙе асыҡлаған. 861 пациентҡа йөрәк-ҡан тамырҙары ауырыуҙары диагнозы ҡуйыла, 85 кешегә яман шеш, 356 кешегә шәкәр диабеты, туғыҙ кешегә туберкулез диагнозы ҡуйыла. Асыҡланған социаль әһәмиәтле ауырыуҙар менән сирләгән бөтә граждандар ҙа диагнозды аныҡлау өсөн тикшереүгә йүнәлтелгән, уларға дауалау тәғәйенләнгән. Ойошторолған бригадалар графикка ярашлы алты районда эшен дауам итә: - Белорет маршруты Әбйәлил районында эште тамамлай (05.06 Тупаҡ ауылында, 06.06 Әбйәлил ауылында, 07.06 Ҡужан ауылында) Һәм Бөрйән районында (08.06-09.06 Әбделмәмбәт ауылында) эшләй башлай – Дыуан маршруты Мәсетле районында эшләй башлай (06.06-07.06 Әләгәҙ ауылында, 08.06-09.06 Дыуан-Мәсетле ауылында) - Нефтекама маршруты Борай районында эшен тамамлай (05.06-06.06 Ҡайынлыҡ ауылында, 07.06 Әжәк ауылында, 08.06 Тепляки ауылында) Һәм Тәтешле районында (09.06 Иҫке Ҡалмияр ауылында) эшләй башлай - Октябрь маршруты Туймазы районында (05.06 - 07.06 Ҡандра ауылында, 08.06 - 09.06 Ҡарамалы-Ғөбәй ауылында) эшләй башлай -Стәрлетамаҡ маршруты Ишембай районында (05.05-06.05 Яңы Әптек ауылында, 07.06-08.06 Үрге Этҡол ауылында, 09.06 Верхотор ауылында)эшен тамамлай -Өфө маршруты Ҡырмыҫҡалы районында (06.06-07.06 Иҫке Бабич ауылында, 08.06-09.06 Ҡарлыман ауылында) эшен дауам итә Акция барышында республиканың барлыҡ райондары ла иғтибарға алынасаҡ: ауыл халҡы белгестәрҙән консультация ала, медицина тикшереүе үтә һәм беренсел медицина ярҙамы ала аласаҡ. Белгестәргә яҙылырға кәрәкмәй - ҡабул итеү «тере сират» тәртибендә алып барыла. Башҡортостан Республикаһы Һаулыҡ һаҡлау министрлығының матбуғат хеҙмәте