Эп сана манман,
Эс манрах пурнан.
Эс ман - юрату,
Эс ман - ырату.
Эс ман сывлӑшӑм,
Эс ман сывлӑхӑм,
Шурӑ акӑшӑм -
Манӑн Айкӑшӑм.
Сан урамусем,
Ҫырму-шывусем.
Асӑмрах вӗсем
Ачалӑх шавӗсем.
Савнӑ хӗрача
Халь те чӗремре.
Ӗмӗтре анчах
Унпала ҫӳреп.
Юлташ-тӑвансем
Аякра таҫта.
Чунпа ывӑнсан
Кампа калаҫан?
Ватӑлса пынӑҫем
Ӗлӗкхи асра.
Кӗскелеҫ кунсем -
Тӗлпулас часрах.
Ларам машин ҫине,
Тухса каям унта.
Вӑхӑт пур тинех
Кӗтеҫ - ши тата?
Атте - анне ҫук,
Шӑллӑм ялта мар.
Тӑванё те ҫук -
Тен, тӑхтамалла?
Эх, шур акӑшӑм -
Сип- симӗс Айкӑшӑм,
Юратнӑ хӗрача -
Ӗмӗтре анчах...