Моның өчен сыер тизәге менә дигән ашлама булачак.Ярты литр сыер тизәген 10 литр суда эретәләр. Һәр төпкә 1 литр эремә сибәргә кирәк.Кыяр барлыкка килә башлагач, көл белән ашларга була. Мондый эремә ясау өчен чиләкнең дүрттән бер өлешенә көл һәм өстенә су салырга кирәк. 3 көн караңгы урында тотарга. Һәр төпнең тамырына 1 литр шушы эремәне сибәргә. 2 атнадан тагын кабатларга була.Кыярны уңыш бирә башлагач ашлау да мөһим. 1 литр сыер тизәге һәм аш кашыгы ярым калий сульфатын 10 литр суда эретергә һәм һәр төпкә 1 литр сибәргә. Үсемлек эремәсе ясау өчен, кычыткан һәм әремне турарга да, суга салып, 2 көн тотарга. Соңыннан бу төнәтмәне сөзәргә һәм кыярларга сибәргә.