Алаҡай ауылы клубы ҙур булмаһа ла, унан йылылыҡ, ҡот бөркөп тора. Төрлө сараларға, байрамдарға мәҙәниәт усағына йыйыла ауыл халҡы. Унда эшләп килгән “Гөрләүек” вокаль ансамблен дә ауылдаштар яратып ҡабул итә. Төркөмдә 10 кеше шөғөлләнә, араларында төрлө һөнәр эйәләре тупланған: табипты ла, уҡытыусыны ла, төҙөүсене лә, хаҡлы ялдағы әүҙем апайҙарҙы ла осратырға була. Йырлап-бейеп, төрлө конкурстарҙа ҡатнашып ҡына ҡалмай улар. Хәҙер инде алтынсы йыл ҡышын сәскә орлоғо сәсеп, яҙын уларҙың үҫентеләрен һатып, клуб өсөн аҡса ла эшләйҙәр. Ошо рәүешле музыкаль үҙәк алғандар, камзул-күлдәктәр тектергәндәр. Быйыл да төрлө сәскә үҫентеләрен “һә” тигәнсә алып бөткәндәр. Йәнә бер изге ғәмәл башҡара ансамблдә шөғөлләнеүселәр. Ауылдың башҡа әүҙем апайҙары менән бергәләп махсус хәрби операцияла ҡатнашҡан егеттәргә ярҙам итәләр. Беҙ барғанда улар бишенсе маскировкалау селтәре үрә ине. Йөн иләп, ойоҡбаштар бәйләп тә ҡышҡы һалҡындарҙа ярҙам иткәндәр. – Әлеге көндә балалар менән берлект