Русиянең “Гидрометүзәге” мәгълүматлары буенча, июнь ае Башкортстанда җылы булыр дип көтелә. Һаваның уртача айлык температурасы нормадан 1 градуска югарырак фаразлана (уртача айлык температура нормасы +17,4 градус). Айлык явым-төшем норма тирәсендә булырга тиеш (норма 50-70 мм).“Башгидрометүзәк”тә хәбәр итүләренчә, җомга көнне, 2 июньдә, урыны белән кыска вакытлы яңгырлар, яшенле яңгыр явачак. Җил көньяктан, көньяк-көнчыгыштан талгын, аерым районнарда җилнең көчәюе көтелә. Һава температурасы көндез +24,+29 градус, көньякта +33 градуска кадәр күтәреләчәк.Шимбә һәм якшәмбе, 3 һәм 4 июньдә, урыннарда кыска вакытлы яңгырлар узачак, яшен көтелә. Җил көньяк-көнбатыштан, көнбатыштан талгын, урыны белән көчәючән. Термометр баганалары төнлә +13,+18, төньяк-көнбатышта +8 градус, көндез +22,+27, көньякта +32 градуска кадәр күрсәтәчәк.