Бу төбәктә формалаша башлаган мотоукчылар полкының чираттагы подразделениеләре булачак. Әлеге чара алдыннан Радий Хәбиров Русия Герое, генерал-майор Миңнегали Шәйморатов һәйкәленә чәчәкләр салды.Батарея белән медицина ротасына батыр якташларыбызның исеме бирелде. Алексей Сухоруков Бөек Ватан сугышын башыннан ахырына кадәр үтә. Күрсәткән батырлыклары өчен ул Ленин, Кызыл Байрак, ике Кызыл Йолдыз орденнары, медальләр белән бүләкләнгән. Арытаба аңа Советлар Союзы Герое исеме бирелә.Әхмәт Дәүләтов 112нче Башкорт кавалерия дивизиясенең медицина-санитария эскадроны командиры булып хезмәт итә. Күрсәткән батырлыклары өчен ул I дәрәҗә Ватан сугышы, II дәрәҗә Ватан сугышы, «Кызыл Йолдыз» орденнары, «Сталинградны саклаган өчен», «Варшаваны азат иткән өчен», «Берлинны алган өчен», «Германияне җиңгән өчен», «СССР Кораллы Көчләренең 50 еллыгы» медальләре белән бүләкләнә.Сугыш тәмамланганнан соң Ә.Г. Дәүләтов Башкортстан медицина институтында эшли, ә 1951 елдан ике дистә елга якын институтта хирургия кафедрасы белән җитәкчелек итә.Бу батареядә һәм ротада хезмәт итәчәк якташларыбызның, ата-бабаларыбыз кебек, хәрби бурычларын лаеклы үтәячәгенә ышанабыз.Чарада Башкортстан Башлыгы Радий Хәбиров республиканың сугышчыларга һәм аларның якыннарына бар яклап та ярдәм күрсәтәчәген белдерде.– Без “Башкортостан” иреклеләр полкын формалаштыру эшен дәвам итәбез. Бүген чираттагы өч хәрби подразделениене хәрби өйрәнүләргә җибәрәбез. Бүген бөтен республика исеменнән сезгә тирән хөрмәт һәм рәхмәт сүзләрен җиткерәм. Сез бик җаваплы карар кабул иткәнсез. Туганнарыгызга, якыннарыгызга бу карарны кабул итүдә сезгә ярдәм иткән өчен рәхмәт белдерәм. Без хәрби операция зонасында хезмәт итүче сугышчыларыбызга ярдәм иттек, итәбез һәм итәчәкбез. Иң мөһиме – Җиңү белән исән-сау килеш туган республикага, гаиләләрегез янына кайтыгыз. Алга, иптәшләр! – диде Радий Хәбиров.Фото: Башкортстан Башлыгы сайтыннан.