Раил Шәйдуллин республика Югары судының яңа Рәисе итеп тәгаенләнде

Тантанага кадәр республика Башлыгы яңа бинаның эш бүлмәләрен карады һәм суд музее экспозициясе белән танышты. Республика Югары суды коллективына Раил Шәйдуллинны Русия Югары суды судьясы Александр Червоткин тәкъдим итте. Ул Раил Шәйдуллинның Русия Президенты Владимир Путин тарафыннан зур ышаныч кредиты алуын хәбәр итте. Радий Хәбиров Раил Шәйдуллинга эшендә уңышлар теләде һәм тирән белеменең төбәктә законлылыкны ныгыту бурычларын югары профессиональ дәрәҗәдә хәл итәргә мөмкинлек бирәчәгенә ышанычын белдерде. - Раил Рәшит улын Башкортстан Республикасы Югары суды Рәисе вазыйфасына билгеләнүе белән котлыйм. Шунысын билгеләп үтәсем килә, Башкортстан судьялары эше һәрчак югары профессиональлек һәм принципиальлек, бурычка һәм законга тугрылык белән аерылып торды. Сез, хөрмәтле Раил Рәшит улы, Ватан гаделлегенең иң яхшы традицияләрен үстерәчәксез, ә Сезнең җитәкчелек астында Башкортстанның судьялар корпусы аның алдында торган мөһим бурычларны уңышлы хәл итүне дәвам итәчәк, дип ышанам, - диде Радий Хәбиров. Фото: glavarb.ru