Исегезгә төшерәбез, фестиваль Совет мәйданында 26 майда старт алды һәм 140тан артык нәшрият, китап кибетләре, хосусый букинистлар, язучылар, сәнгать белгечләрен һәм Русия төбәкләреннән һәм чит илләрдән - Беларусь, Казахстан һәм Кыргызстаннан иҗтимагый эшлеклеләрне җыйды.Республика Башлыгы ярминкәнең тематик мәйданчыкларында булды һәм фестивальнең эшенә йомгак ясады. Аларның иң мөһиме - "Китап-байрам" үзенең кирәклеген исбатлады һәм даими үткәреләчәк.- Форум ел саен узачак дигән карар кабул иттек. Бу бәйрәмне ябып, сезне киләсе елның май ахырында фестивальгә чакырам. Ул тагын да яктырак булачак, - дип ассызыклады үзенең чыгышында Радий Хәбиров.Төбәк җитәкчесе билгеләп үткәнчә, шундый мәдәни-агарту чаралары нәтиҗәсендә Совет мәйданы Уфа халкын һәм кунакларын җәлеп итүнең мөһим ноктасы булды.- Бу мәйданчыкның элек нинди булганлыгын исегездә тотыгыз. Хәзерге хәлендә Совет мәйданы безнең өчен чиксез мөһим һәм вакыйгалар белән тулыландырылырга тиеш, - диде Радий Хәбиров. - Көз көне без Башкортстанда балалар уенчыклары һәм Русиядә җитештерелгән балалар өстәл уеннары индустриясенең беренче форумын үткәрергә планлаштырабыз. Сезне сентябрьдә булачак бу чарага чакырам. Нәкъ менә шундый фестивальләр, безнең ил өчен гади булмаган көннәрдә якты һәм матурлык турында сөйли, безгә бик кирәк.Тантана кысаларында төбәк җитәкчесе шулай ук Башкортстан Башлыгының «Беларусь» республика унитар нәшриятына “XVI-XXI гасырларда Белоруссия халык сәнгате” китабы өчен махсус приз тапшырды. Радий Хәбиров бүләкне нәшриятның реклама бүлеге мөдире Анжела Садовскаяга тапшырды."Китап-байрам" Халыкара китап ярминкәсенең финал көне "Евгений Онегин" моноспектакле һәм "Алые паруса" фильмын күрсәтү белән тәмамланды.Фото: glavarb.ru