“Йылдың иң яҡшы табибы” республика конкурсына йомғаҡ яһалды. “Иң яҡшы акушер-гинеколог” номинацияһында беренсе урынды Республика клиник перинаталь үҙәктең физиология бүлексәһе мөдире Асҡар Наил улы Йәнекәев алды. Уның эш стажы – 16 йыл, медицина фәндәре кандидаты һәм юғары категориялы табип булып иҫәпләнә. – Мин – медицина династияһы вәкиле, бәләкәйҙән үк табип буласағымды белдем. Профессияға һөйөүҙе атайыбыҙ –Башҡортостандың атҡаҙанған табибы һәм һаулыҡ һаҡлау отличнигы ҡабыҙҙы. Мин үҙемде башҡа тармаҡта күҙ алдына ла килтерә алмайым. Республика перинаталь үҙәгендә меңдән ашыу сабыйҙы ҡулға алдым. Донъяға кеше тыуыуын күреү һәр саҡ тулҡынландыра, бәхетле йылмайыуҙан тыш, күҙ йәштәре лә күренгеләй. Мөғжизә тип ҡабул итәм һәр баланы, – ти Аскар Йәнеәйев. Фото: Һаулыҡ һаҡлау министрлығы.