Армияла булған егеттәрҙе элек-электән донъя күреп ҡайтҡан, сыныҡҡан тиҙәр. Ишембай районының Алаҡай ауылында йәшәүсе Михаил Скорняков та бала сағынан хәрби хеҙмәткә барам , тигән маҡсат менән үҫә. Һәм 18 йәше тулыу менән ул армияға саҡырыла. –1984 йылдың 7 ноябрендә хәрби хеҙмәткә алындым. Таллиндың сик буйы отрядында хеҙмәт иттем. Уҡыу курстарын үткәндән һуң, Прангли утрауына эләктем. 2-се сик буйы заставаһында “Кредо” ер өҫтө разведкаһы станцияһы командиры сифатында хеҙмәт иттем. Был утрау Финляндияның Хельсинки ҡалаһынан 44 километр ғына алыҫлыҡта ине. Маҡсат сик буйын тәртип боҙоусыларҙан һаҡлау ине һәм был бурысты намыҫ менән үтәнем, – тип һөйләп алып китте йәш саҡтарын иҫкә төшөрөп әңгәмәсем. Яҡшы хеҙмәте өсөн Ватан һаҡсыһының күкрәген I һәм II дәрәжә сик буйы ғәскәрҙәре отличнигы кеүек наградалары биҙәй. Сержант званиеһында үтәп сыға ул үҙенең ил алдындағы бурысын. –Элек армияға бармау егет өсөн хурлыҡ була торғаны. Олатайым да хеҙмәттә булды. Атайым Һарытау өлкәһендә ст